List čytača: dyk ci jość ziamla dla minčukoŭ?
Jak viadoma, Miharvykankam zaŭsiody kaža pra toje, što ŭ Minsku niama ziamielnych učastkaŭ dla hramadzian, čyje damy padpadajuć pad znos.
Adnak ciapier pačałosia hramadskaje abmierkavańnie PDP Centralnaha rajona, na jakim, jak havorycca na aficyjnym sajcie administracyi Centralnaha rajona, budzie abmiarkoŭvacca vydzialeńnie terytoryi pad siadzibnuju zabudovu, a heta aznačaje, što ziamla dla pryvatnych damoŭ usio ž taki jość.
Mnohija minčuki płanujuć padać zajavy na pradastaŭleńnie hetych ziamielnych učastkaŭ sabie.
My pytajemsia: dyk jość ziamla dla minčukoŭ, čyje damy Minharvykankam płanuje źnieści, albo ich niama? I kali jość, to dla kaho jana?
Nahadajem, što ŭ adpaviednasci z 22 artykułam Kanstytucyi Respubliki Biełaruś usie pierad zakonam roŭnyja:
«Usie roŭnyja pierad zakonam i majuć prava biez usiakaj dyskryminacyi na roŭnuju abaronu pravoŭ i zakonnych intaresaŭ».
Voś i pahladzim, jak vykonvajecca Kanstytucyja.