Reakcyja na vystup Karatkievič pa BT: Siońnia naradziŭsia publičny apazicyjny palityk
Pieršy vystup Taćciany Karatkievič pa telebačańni ŭ jakaści kandydata ŭ prezydenty kamentuje palitolah Valer Karbalevič:
«Z nahody taho, što vakoł asoby Taciany Karatkievič u apazycyjnym asiarodździ razharajucca vostryja žarści, to pieršy jaje vystup pa BT čakaŭsia z asablivaj cikavaściu.
Najpierš treba adznačyć, što kandydatka nie rasčaravała. Havaryła jana biez papierki, što nie mahli rabić niekatoryja vidnyja kandydaty ŭ prezydenty piać hadoŭ tamu. Havaryła praktyčna biez zapinak, piśmienna, spakojna i ŭpeŭniena.
Kali kazać pra źmiest, to heta byŭ paśladoŭna apazycyjny vystup. Była rezkaja krytyka isnaha režymu. Akcentavałasia ŭvaha na tym, što kraina ŭ kryzisie, i vinavataja ŭ hetym ułada, jakaja biaździejničaje i nia choča čuć narod.
Ale była nia tolki krytyka, ale i prapanovy pa vychadzie z kryzisu. Ale ŭ hetaj častcy nia ŭsio było pierakanaŭča. Na moj pohlad, nie chapała kantrastu. Maŭlaŭ, ułady robiać voś tak, a my budziem rabić pa-inšamu — i budzie vynik.
U cełym, možna skazać, što pieršy vystup Taciany Karatkievič byŭ udały. Siońnia naradziŭsia publičny apazycyjny palityk».
