Pryhožyja dziaŭčaty i šaurma FOTY
Raskrucić pablik z pryhožymi dziaŭčatami siońnia składana. Takich raskručanych prajektaŭ u instahramie, vk ci tumblr šmat. Ale kali dadać da pryhožych dziaŭčat šaurmu, to sprava pojdzie.
Maskoŭski SMM-ščyk pabačyŭ fota znajomaj z šaurmoj u kancy maja, stvaryŭ staronku, i mienš čym za miesiac kolkaść padpisčykaŭ vyrasła da dziesiaci tysiač. Vyhladaje heta tak:
Šaurma — dastupnaja ježa, jakaja časta robicca pradmietam naśmiešak u ruskamoŭnym internecie. A voś iraničnaje spałučeńnie jaje z pryhožymi dziaŭčatami akazałasia paśpiachovym. Pra nabirajučy papularnaść pablik pišuć navat zachodnija ŚMI.
Varta adznačyć, što karystalnicy sami skidvajuć svaje fotazdymki. Hieahrafija — ad Uładzivastoka da Kijeva i Tbilisi. Biełaruskich pryhažuń z šaurmoj niama — u adroźnieńnie ad inšych haradoŭ, nabyć jaje ŭ Minsku možna tolki ŭ ličanych miescach.
