Ukraina moža źniać maratoryj na prodaž sielhasziamli z 2016 hoda
Maratoryj na prodaž ziamiel sielskahaspadarčaha pryznačeńnia moža być źniaty ŭžo z 1 studzienia 2016 hoda. Pra heta ŭ intervju ŭkrainskamu vydańniu «Lihabiznesinform» skazaŭ kiraŭnik Administracyi prezidenta Ukrainy Barys Łožkin.
Rynak sielhasziamiel, na dumku Łožkina, — heta adno z klučavych dziejańniaŭ, jakuju nieabchodna ažyćciavić, razam z reformaj dziaržsłužby i pryvatyzacyjaj dziaržkampanij.
«Rynak ziamli pavinien źjavicca dosyć chutka. Maratoryj moža być źniaty ŭžo z 1 studzienia 2016 hoda. Vielmi na heta spadziajusia», — adznačyŭ Łožkin.
«Razumiejecie, usie razmovy ab tym, što našu ziamlu pryjduć i ŭsiu paskuplajuć… Ziamli ŭ śviecie šmat. Ad Rasii da Arhienciny jość šmat miescaŭ, dzie ziamlu možna kupić zusim svabodna ŭ vialikich kolkaściach. Va Ukrainie nie ŭsie razumiejuć, što my tolki adny z hulcoŭ, u jakich mnostva kankurentaŭ na hetym rynku», — dadaŭ kiraŭnik Administracyi prezidenta.
Raniej hetaje pytańnie było adkładziena z pryčyny roznahałośsiaŭ pa im unutry ŭradavaj kaalicyi.
Maratoryj na kuplu-prodaž ziamiel sielskahaspadarčaha pryznačeńnia, u adpaviednaści ź ziamielnym kodeksam Ukrainy, dziejničaje da 1 studzienia 2016 hoda.
