Łukašenka: Nieabchodna raźvivać uschodni rynak zbytu, naprykład, handal z Kitajem
Alaksandr Łukašenka patrabuje bolš aktyŭnaha vykarystańnia ŭschodniaha vektaru pry dyviersifikacyi rynkaŭ zbytu biełaruskaj pradukcyi. Ab hetym kiraŭnik dziaržavy zajaviŭ 3 krasavika, vystupajučy pierad kirujučym składam Dziaržaŭnaha mytnaha kamiteta i mytniaŭ.
«Adnoj z najvažniejšych zadač siońnia źjaŭlajecca pavieličeńnie ekspartu za košt jaho dyviersifikacyi. Nieabchodna zaryjentavać tavarnyja patoki na novyja pierśpiektyŭnyja rynki biez straty ŭžo najaŭnych, efiektyŭna vykarystoŭvać pieravahi ad udziełu ŭ pracesach rehijanalnaj i hłabalnaj intehracyi», - adznačyŭ kiraŭnik dziaržavy.
Pavodle słoŭ kiraŭnika dziaržavy, niahledziačy na toje, što bolš ciesnyja ekanamičnyja suviazi ŭ Biełarusi tradycyjna isnujuć z Rasijaj, tavaraabarot pamiž dźviuma krainami źniziŭsia.
«Nam nieabchodna raźvivać uschodni nakirunak, u pryvatnaści aktyvizavać udzieł u prajekcie našaha stratehičnaha partniora Kitaja «Ekanamičny pojas «Šaŭkovy šlach». Prasoŭvańni ekspartu pavinny pasłužyć damoŭlenaści ab farmiravańni zon svabodnaha handlu ź dziaržavami Asacyjacyi krain Paŭdniova-Uschodniaj Azii», — padkreśliŭ Alaksandr Łukašenka
