Raśsielhasnahlad «znajšoŭ bakteryi» ŭ pradukcyi «Santa Bremar»
Pad uvahu rasijskich kantrolnych orhanaŭ trapiła file słabasalonaj siomhi biełaruskaj vytvorčaści.
Fiederalnaja słužba pa vieterynarnym i fitasanitarnym nahladzie Rasii znajšła ŭzbudžalnika niebiaśpiečnaj charčovaj infiekcyi — bakteryi listeryi ŭ file słabasalonaj siomhi biełaruskaj kampanii «Santa Bremar».
U suviazi z hetym Raśsielhasnahlad uzmacniŭ łabaratorny kantrol za pastaŭkami pradukcyi «Santa Bremar» z 13 lutaha 2015 hoda.
«Santa Bremar» — adzin z najbujniejšych pastaŭščykoŭ biełaruskaj rybnaj pradukcyi ŭ Rasiju. Pradpryjemstva było stvoranaje ŭ 1998 hodzie jak sumiesnaja biełaruska-hiermanskaja vytvorčaść.
Raniej ŭ lutym Raśsielhasnahlad znajšoŭ listeryi ŭ rybnaj pradukcyi inšaha biełaruskaha pradpryjemstva — «Čyzmaster».
U 2014 hodzie Raśsielhasnahlad mieŭ pretenzii da pradukcyi biełaruskich vytvorcaŭ miasa: u pryvatnaści, u pradukcyi biełaruskich miasakambinataŭ znachodzili hienom virusa čumy śviniej. Z hetaj nahody rasijski bok uvodziŭ časovyja abmiežavańni na ŭvoz na svaju terytoryju biełaruskaj miasnoj pradukcyi.
