U novym klipie rasijskaha hurtu pakazana bojka Pucina z Abamam
Rasijski elektronny hurt Little Big vykłaŭ u sieciva svajo novaje muzyčnaje videa Kind Inside, Hard Outside, u jakim pakazali bojku ludiej, padobnych da Abamy i Pucina. Udzieł taksama ŭziała žančyna, padobnaja da Anhieły Mierkiel.
Klip, vidavočna, nosić antyvajennuju skiravanaść. «Ujavicie sabie, što isnuje alternatyŭnaja realnaść, u jakoj asabistyja ambicyi palitykaŭ i ich rašeńni nie adbivajucca na losach prostych hramadzian. Hramadstva, u jakim pryncyp «raździalaj i kiruj» nie pracuje. Lubaja vajna — heta adstojvańnie intaresaŭ elit, jakija začastuju nie majuć ničoha ahulnaha ź intaresami narodu. Adna achviara zamiest miljonaŭ», — kaža nadpis pa-anhlijsku i pa-rasijsku ŭ pačatku klipa.
Hurt Little Big byŭ stvorany ŭ 2013 hodzie ŭ Sankt-Pieciarburhu. Pa ŭłasnym vyznačeńni ŭdzielnikaŭ, jany hrajuć «fjunierał rejv»— to bok «pachavalny rejv».