Pamierła zorka filma «Vialikaja prahułka» — francuzskaja aktrysa Mary Dziubua
Francuzskaja aktrysa Mary Dziubua (sapraŭdnaje imia Kładzin Lusi Palin Juze) pamierła ŭ sieradu, 15 kastryčnika, va ŭzroście 77 hadoŭ.
Uładalnic premii Siezar pamierła ŭ paŭdniova-zachodnim francuzskim horadzie Po, dzie z 2010 hoda pražyvała ŭ domie sastarełych.
Dziubua naradziłasia ŭ Paryžy ŭ 1937 hodzie. Paśla niekalkich rolaŭ u pjesach jana źjaviłasia na telebačańni, dzie jaje zaŭvažyŭ Fransua Trufo i zaprasiŭ u svoj film «Stralajcie ŭ pijanista» (1960 hod). Viadomaść pryjšła da jaje nie adrazu. Jana hrała jak u aŭtarskich, tak i papularnych filmach («Žančyna jość žančyna» Žana-Luka Hadara, «Vialikaja prahułka» Žerara Ury).
Mary Dziubua sa słavutym komikam Burvilem ŭ filmie «Vialikaja prahułka» (1966).
Jana pracavała z mnohimi papularnymi režysiorami i akciorami. U 1977 hodzie aktrysa atrymała premiju Siezar za najlepšuju rolu druhoha płana ŭ filmie «Pahroza» režysiora Alena Karno.
Dziubua stała mienš zdymacca ŭ kino z kanca 1970-ch, kali ŭ jaje vyjavili raśsiejany skleroz. U 2007 hodzie jana straciła svajho muža i akciora Sierža Ruso, ź jakim jany razam vychavali dačku Daminik.
