Papularnaja polskaja aktorka i madel pamierła va ŭzroście 35 hadoŭ
Pra śmierć 36-hadovaj Hanny Pšybylskaj paviedamlaje Gazeta Wyborcza sa spasyłkaj na interniet-staronku aktorki.
Ź minułaha hoda Hanna zmahałasia z rakam padstraŭnikavaj załozy. Pieršapačatkova lačeńnie dało svaje vyniki, i paśla vydaleńnia puchliny, aktorka niby pačała vyzdaraŭlivać, i navat pryniała ŭdzieł u dźviuch kampanijach — abutku i farbaŭ dla vałasoŭ, ale ŭrešcie prajhrała bitvu z rakam.
Pšybylska pačynała karjeru ŭ sieryjałach, hledačy taksama acanili jaje roli ŭ filmach — najbolš viadomymi ź jakich źjaŭlajucca «Rezus+», «Karjera Nikasia Dyzmy» i «Supierpradukcyja». Jana była taksama pieršaj polskaj žančynaj, jakaja stała mižnarodnym tvaram kaśmietyčnaj kampanii Astor, paviedamlaje Wyborcza.
Pšybylskaja asiraciła traich dziaciej: Aliviju (11 hadoŭ), Šymka (8 h.) i Jasia (2 h.) U baraćbie z chvarobaj jaje padtrymlivaŭ partnior, futbalist hdańskaj «Lechii» Jarasłaŭ Bieniuk, dadaje Radiozet.
