Viasnoŭcy zaprašajuć na sustreču sa znakamitym dysidentam Michasiom Kukabakam
24 krasavika ŭ Minsku adbudziecca sapraŭdy hrandyjoznaja padzieja — publičnaja sustreča ź Michasiom Kukabakam. Viadomy dysident- «antysavietčyk», pravaabaronca i publicyst upieršyniu za 15 hadoŭ pryjedzie na radzimu.
Michaił Kukabaka naradziŭsia i ros u Babrujsku, piać hadoŭ vychoŭvaŭsia ŭ dziciačym domie i, 16-hadovym vypusknikom ramiesnaha vučylišča, byŭ pasłany ŭ Sibir na «budoŭlu kamunizmu». Upieršyniu byŭ aryštavany, kali pražyvaŭ va Uładzimirskaj vobłaści, pad Maskvoj, u 1970 hodzie. Z tych časoŭ pačałasia jaho turemna-łahiernaja epapieja.
U Babrujsk Michaś Kukabaka viarnuŭsia ŭ 40-hadovym uzroście - uletku 1976 hoda, paśla šaści hadoŭ źniavoleńnia. Ale represii ŭ dačynieńni da jaho praciahvalisia i tut: jon dvojčy (uvosień 1976-ha i ŭvosień 1977-ha) byŭ prymusova špitalizavali ŭ Mahiloŭskuju psichijatryčnuju balnicu. Daviedzieny da adčaju niemahčymaściu źniać ź siabie dyskryminujučyjarłyk «psichičnachvoraha» i skrajniaj bytavoj nieŭładkavanaściu, viasnoj 1977 hoda jon źviartaŭsia ŭ Prezidyum Viarchoŭnaha Savieta BSSR z prośbaj pra dazvoł emihravać, u čym jamu było admoŭlena. Hety fakt adlustravany ŭ tekście «Skradzienaja Baćkaŭščyna» — u hetym narysie jon apisvaje svajo viartańnie ŭ horad dziacinstva.
U kastryčniku 1978 hoda Michaś Kukabaka znoŭ byŭ aryštavany, u červieni 1979 -ha ŭ Babrujsku asudžany pa palityčnych matyvach da novaha łahiernaha terminu.
Aktyŭny zmahar z kamunistyčnym režymam, za plačyma jakoha čatyry palityčnyja sudzimaści i kala 17 hadoŭ źniavoleńnia ŭ turmach, łahierach i psichbalnicach, byŭ apošnim «palityčnym» u piermskich łahierach praz admovu pisać prašeńnie pra pamiłavańnie, i byŭ vyzvaleny ŭ śniežni 1988 hoda ŭ suviazi z «harbačoŭskaj amnistyjaj palitviaźniaŭ». Byŭ reabilitavany Viarchoŭnym Sudom BSSR pa ŭsich abvinavačvańniach ŭ 1991 hodzie, tady ž viarnuŭsia ŭ Biełaruś, dzie mieŭ namier praciahnuć pravaabarončuju dziejnaść, čaho nie pažadali miascovyja ŭłady. Viadomy dysident iznoŭ byŭ vymušany źjechać, pierabraŭsia ŭ Maskvu, dzie žyvie i ciapier.
Sustreča adbudziecca ŭ čaćvier, 24 krasavika. Pačatak u 18.00. Kab trapić na sustreču, dašlicie zajaŭku na adras [email protected] da 16.00 sierady, 23 krasavika.
