Jeva Viežnaviec: Być Rasii praklataj da pakajańnia
Rasieja nie zvarjacieła. Imperyja nikoli nie była narmalnaj.
Rasiejskaja imperyja — razumnaja i paśladoŭnaja dziaržava, nia mienš čym Čykaciła. Jana maje rozum i chałodnuju straść, i pradbačlivaść mańjaka. Miery pieraściarohi i maskiroŭka pry napadzie — dakładna vytrymanyja, myła, viaroŭka i nažy dla rasčlanieńnia akuratna ŭkładzienyja ŭ čamadančyk. Na vid — zvyčajny bieły čałaviek u akularkach. Palicyja dziesiacihodździami biaśsilnaja, mańjak reža, hvałcić i rasčlaniaje. Pavinna nabracca mierka kryvi, pakul palicyja rušyć dupaj.
U svoj čas narod Niamieččyny na 65% padtrymaŭ svajho fiurera i adpaviedna panios hańbu i śmierć razam ź im. Rasiejcy zapłaciać — jak narod — vialikuju canu. Prabačcie, maje paasobnyja miłyja rasiejskija siabry i maje rasiejskija rodnyja. Ja vas lublu. Heta nijak vas nia tyčycca, ale i nijak nie admianiaje taho, što ja skazała pra vajnu i canu. Być Rasiejskaj imperyi praklataj da pakajańnia. Rasieja zahinie i adrodzicca ŭ novaj jakaści. Užo jak narmalnaja i rodnaja nam siastra.
* * *
Tołkijen pamylaŭsia ŭ adnym: kali apisvaŭ orkaŭ fizyčnymi ŭrodami z vyvaračanaj pryrodaj. Orki z vyhladu vielmi nahadvajuć biełych eŭrapiejcaŭ, i mohuć navat jeździć na rolikach, pić kavu late i havaryć na eŭrapiejskich movach. Ale heta zaŭždy — orki. Ludzi, elfy i hnomy mohuć damovicca mižsobku. A ork — nie; jon zaŭsiody budzie słužyć absalutnamu złu i chłuśni. My žyviem pobač z orkami, i bačym, jak našyja hramadzianie pieratvarajucca ŭ orkaŭ, a chto nie pieratvarajecca — taho źniščajuć. Prafesar, ty — strohi realist, ničoha lišniaha ŭ tvajoj trylohii niama.
* * *
My ŭsie pavinny stać ukraincami nastolki, nakolki možam. Voś jaki resurs majem, taki treba i addać — čas, hrošy, hołas, što zaŭhodna. Hety zvon zvonić pa nas, ludzi sa zbrojaj na susiedskim parozie.