Biełaruskaja śpiavačka Hiuneš vyjšła ŭ finał konkursu Turkvision-2013
Biełaruskaja śpiavačka Hiuneš vyjšła ŭ finał muzyčnaha konkursu Turkvision-2013.
U finał Turkvision 2013 taksama prajšli pradstaŭniki Kazachstana, Uźbiekistana, Turcyi, Azierbajdžana, Bośnii i Hiercahaviny, Tatarstana, Paŭnočnaha Kipra, Kyrhyzstana, Ukrainy i Kosava. Finał projdzie zaŭtra, 21 śniežnia.
Konkurs pravodzicca ŭ tureckim horadzie Eskišechiry, jaki ŭ hetym hodzie arhanizacyjaj «Ciurksoj» pryznany kulturnaj stalicaj ciurkskaha śvietu.
U konkursie prymajuć udzieł nie tolki ciurkamoŭnyja krainy, ale i krainy, dzie majecca vialikaja kolkaść ciurkamoŭnaha nasielnictva
— Ukraina (Krym), Małdova (Hahaŭzija), Rasija (Tatarstan, Baškartastan), a taksama Hruzija, Biełaruś, Makiedonija, Bośnija.
«My zrabili heta! Biełaruś u finale Turkvision i na dadzieny momant, pa vynikach hałasavańnia, my ŭ trojcy macniejšych! Zaŭtra finał! Pažadajcie mnie pośpiechu!», — napisała Hiuneš u svaim akaŭncie ŭ fejsbuku.
