Maładyja japoncy addajuć pieravahu virtualnym dziaŭčatam
Maładyja japoncy ŭsio čaściej admaŭlajucca ad seksu i addajuć pieravahu virtualnym siabroŭkam, a nie realnym. Hetaja moda prymaje pahroźlivyja maštaby dla ŭsioj krainy.
Tolki 27% japoncaŭ, jakija znachodziacca va ŭstojlivych adnosinach, zajmajucca seksam choć by raz u tydzień, a astatnija robiać heta radziej abo nie robiać naohuł.
U krainie jość katehoryja maładych ludziej, jakich nazyvajuć otaku (raznavidnaść «batanikaŭ», kampjutarnikaŭ), jakija naohuł addajuć pieravahu budavać adnosiny tolki ź virtualnymi dziaŭčynami.
Rostu kolkaści darosłych cnatliŭcaŭ spryjaje i japonskaja kultura. Manha i Hello Kittu apiavajuć miłuju niavinnaść.
Taki ŭsieahulny celibat pahražaje budučyni krainy. Japoncy mienš zajmajucca seksam i mienš naradžajuć, tak što pa prahnozach ekśpiertaŭ heta pryviadzie da skaračeńnia nasielnictva Krainy ŭzychodziačaha sonca na tracinu ŭžo praz 50 hadoŭ.
U Tokio, nasielnictva jakoha składaje 35 młn čałaviek, u hod naradžajecca ŭsiaho 250 tysiač dziaciej.
Šakavalnaja ličba, kali paraŭnać jaje z Łondanam, u jakim pry 8 młn žycharoŭ naradžajecca 135000 niemaŭlataŭ štohod.
«Isnuje šmat pryčyn, pa jakich nasielnictva Japonii skaračajecca, ale hałoŭnaj źjaŭlajecca ŭsio ž admova ad seksu ŭ moładzi, — kaža brytanskaja žurnalistka Anita Rani, jakaja źniała ceły film na hetuju temu dla VVS. — Moładź prosta nie choča być častkaj hetaha.
Ja sustrakała šmat padletkaŭ i starych ludziej, jakija zavodzili sabie kampjutarnych dziaŭčat. Jany zadavalniali mužčyn, tamu što nie patrabavali brać siabie ŭ žonki.
Što da samich japonak, to jany stali značna bolš niezaležnymi, čym heta było pryniata raniej. Ciapier jany chočuć, kab maładyja ludzi ich damahalisia, ale ŭ chłopcaŭ heta nie vyklikaje nijakaha entuzijazmu».
Praviedzienaje ŭ hetym hodzie apytańnie pakazała, što 45 % dziaŭčat va ŭzroście ad 18 da 24 hadoŭ nie zacikaŭleny ŭ seksualnych adnosinach ci pahardžajuć hetym bokam žyćcia.
U zaŭsiody zakrytym japonskim hramadstvie ciapier kažuć pra nieabchodnaść masavaj imihracyi japonak ŭ inšyja krainy, kab u žančyn usio ž źjavilisia mužy i dzieci.