Nokia prezientavała tannyja smartfony liniejki Asha i fłahmanski Lumia 1520
Finskaja kampanija Nokia anansavała svaje novyja smartfony. Jak paviedamlaje The Next Web, brend prezientavaŭ try pryłady liniejki Asha i fłahmanski Lumia 1520. Prezientacyja prachodziła ŭ Abu-Dabi (AAE).
Biudžetnyja smartfony sieryi Asha źjaviacca ŭ prodažy ŭ čaćviortym kvartale. Jany buduć pradstaŭleny ŭ niekalkich kalarovych rašeńniach, u tym liku ŭ čyrvonym, zialonym i žoŭtym.
Asha 500 abstalavana 2,8-calevym ekranam i 2-miehapiksielnaj kamieraj. Zajaŭlenaja raspracoŭščykam cana smartfona składaje $69.
Asha 502 abstalavana 3-calevym ekranam, 5-miehapiksielnaj kamieraj i LED-uspyškaj. Jana budzie kaštavać ad $89.
Asha 503 abstalavana 3-calevym dysplejem, 5-miehapiksielnaj kamieraj, LED-uspyškaj. Smartfon padtrymlivaje złučeńnie 3,5G. Rekamiendavanaja Nokia cana składaje $99.
Što tyčycca Lumia 1520, to hety fłahmanski smartfon abstalavany 6-calevym dysplejem, čatyrochjadravym pracesaram Qualcomm Snapdragon 800, 20-miehapiksielnaj kamieraj, 2 Hb apieratyŭnaj i 32 Hb unutranaj pamiaci. Pracuje pryłada na Windows Phone 8. Paviedamlajecca, što kaštavać budzie ad $738.