Stała viadoma sapraŭdnaje imia Siri
Stała viadoma imia aktrysy, što ahučyła amierykanski hałasavy pamočnik Siri.
Jak paviedamlaje CNN, heta Sjuzan Bienet. Kampanija Apple nikoli nie raskryvała asobu Bienet, ale śćviardžajecca, što hołasam Siri źjaŭlajecca mienavita jana.
Siri była pradstaŭlena publicy 4 kastryčnika 2011 razam z vychadam iPhone 4S.
Jak pryznałasia Bienet, niekatoryja ludzi mohuć prosta čytać svoj tekst hadzinu za hadzinaj, a joj u niejkija momanty stanaviłasia sumna.
«Heta adna z pryčyn, pa jakoj časam moža zdacca, što ŭ Siri jość niejki punkt hledžańnia. Takija aŭdyjoroliki, vierahodna, byli zapisanyja ŭ apošnija 15 chvilin čatyrochhadzinnaj siesii», — pažartavała aktrysa.
Pieršapačatkova Bienet nie viedała, u jakim mienavita prajekcie budzie vykarystany jaje hołas.
Paśla vychadu iPhone 4S znajomyja aktrysy pačali cikavicca, ci nie jana ahučyła Siri, adnak aficyjna ab pracy Bienet dla Apple nikoli nie paviedamlałasia.
U Apple ad kamientaroŭ admovilisia.
