«Lapisy» vypuskajuć biełaruskamoŭny albom
I prezientujuć jaho ŭ Vilni.
Hurt «Lapis Trubiackoj» vypuskaje albom «Hraj» — heta budzie pieršaja kružełka hurta, zapisanaja całkam na biełaruskaj movie.
U albom uvojdzie 12 pieśniaŭ, dziesiać ź jakich užo vychodzili na dyskach «Lapisaŭ» apošniaha pieryjadu, jaki pačaŭsia z «Kapitała». Pry hetym hurt zapisaŭ i dźvie absalutna novyja biełaruskamoŭnyja pieśni.
Adziny kancert ź biełaruskaj prahramaj adbudziecca 30 listapada ŭ Vilni, na Siemens Arena.
U Biełarusi kvitki na kancert «Hraj» možna nabyć tolki ŭ ofisie ahienctva «Šabli»: Minsk, vulica Kalinina, 22–8 (z 9:00 da 17:00 hadzin u pracoŭnyja dni). Košt: 200 tys. rub. (tancpoł), 250–300 tys. rub. (trybuny).
Kali ŭ vas niama šenhienskaj vizy, to dla nabyćcia kvitka vam nieabchodna papiarednie zarehistravacca na padaču dakumientaŭ u pasolstvie Litoŭskaj Respubliki ŭ Biełarusi na daty z 16 vieraśnia pa 20 listapada (elektronny zapis na sajcie pasolstva). Žychary Bresckaj i Hrodzienskaj abłaściej rehistrujucca i padajuć dakumienty ŭ Hienieralnym konsulstvie Litoŭskaj Respubliki ŭ Hrodnie ŭ hetyja ž terminy.
