U žniŭni čakajecca pik seksualnaj aktyŭnaści
Brytancy čaściej za ŭsio zajmajucca seksam u letnija miesiacy, i pik intymnych nahruzak prypadaje na žnivień. Navukoŭcy miarkujuć, što heta źviazana z vyłučeńniem maksimalnaj kolkaści testasteronu.
Sacyjołahi ź Vialikabrytanii praviali apytańnie pa zamovie vytvorcy seksualnych cacak kampanii Lovehoney, jaki pakazaŭ, što kolkaść zaniatkaŭ seksam siarod ustojlivych par u žniŭni vyšej, čym u lubyja inšyja miesiacy hoda. Naohuł, leta aktyŭna stymuluje mužčyn i žančyn addavacca hetym hulniam, choć zaŭsiody było pryniata ličyć, što maksimum seksu prypadaje na zimovyja miesiacy z doŭhimi načami, kali ludzi šmat času pravodziać doma.
Na dumku ekśpiertaŭ, letni pik zaniatkaŭ seksam tłumačycca ŭsploskam ŭzroŭniu testasteronu ŭ mužčyn. Kolkaść hetaha harmonu ŭ lipieni ŭ čałavieka, u siarednim, na 33% bolš, čym u studzieni. Viadoma, čym vyšej uzrovień testasteronu ŭ pradstaŭnikoŭ mocnaha połu, tym čaściej jany zajmajucca seksam.
Hetuju teoryju niadaŭna paćvierdzili daśledčyki ź Miedycynskaha univiersiteta Hrac u Aŭstryi, jakija vyśvietlili, što mužčyny z samaj vialikaj kolkaściu vitaminu D majuć i samy vysoki pakazčyk testasteronu ŭ kryvi. Viadoma, što ŭzrovień vitaminu D zaležyć ad abjomu pryniatych soniečnych vannaŭ, tamu što hety vitamin utvarajecca ŭ arhaniźmie pad uździejańniem soniečnych pramianioŭ. Nu a bolš za ŭsio sonca byvaje mienavita letam.
Zrešty, nie tolki ŭsplosk testasteronu ŭpłyvaje na kolkaść zaniatkaŭ seksam letam. U ciopły čas hoda ludzi nosiać minimalnuju kolkaść adzieńnia, a heta taksama stymuluje jak na mužčyn, tak i žančyn. Napeŭna, tamu ŭ samym ramantyčnym miesiacy hoda lutym, na jaki prypadaje Dzień usich zakachanych, ludzi zajmajucca seksam radziej za ŭsio