Vystava adnoj karciny «Pieśnia pra Minsk» Maja Dancyha z 8 pa 26 maja
U faje novaha korpusa Nacyjanalnaha mastackaha muzieja.
9 maja muziej pracuje z 11 da 19 hadzin, kasa da 18.30. Adras: Minsk, vuł. Lenina, 20.
Napiaredadni śviata Pieramohi, 8-ha maja, u faje novaha korpusa Nacyjanalnaha mastackaha muzieja adkryłasia vystava adnoj karciny «Pieśnia pra Minsk» Maja Volfaviča Dancyha, narodnaha mastaka Biełarusi.
«Pieśnia pra Minsk» była stvorana majstram u 1975 h., da 30-hodździa Pieramohi, paśla nadańnia Minsku ŭ 1974 h. zvańnia horada-hieroja. Vysoki punkt hledžańnia dazvoliŭ mastaku vyjavić panaramu adrodžanaha na jaho vačach horada. U 1944 hodzie, adrazu paśla vyzvaleńnia, Dancyh viarnuŭsia ŭ rodny horad z evakuacyi. I vyjava tahačasnych minskich ruin uviedziena ŭ kampazicyju karciny jak histaryčny dakumient i kamierton.