Pačać pabiełku sadovych dreŭ rekamiendujecca ŭ kancy lutaha

Pabiełku sadovych dreŭ možna pačynać u kancy lutaha — pačatku sakavika.

Ab hetym siońnia ŭ čas anłajn-kanfierencyi na sajcie BiełTA paviedamiła viadučy navukovy supracoŭnik Instytuta pładavodstva NPC NAN Biełarusi pa bulbavodstvie i płodaaharodninavodstvie kandydat sielskahaspadarčych navuk, dacent Nadzieja Kapičnikava.

«Kali niechta z sadavodaŭ-amataraŭ nie paśpieŭ pabialić stvały, asnoŭnyja haliny vosieńniu, to heta treba zrabić ciapier, u kancy lutaha — pačatku sakavika. Heta nieabchodna, kab nie było soniečnych apiokaŭ, treščyn, dzie paśla buduć sialicca ŭsialakija škodniki», — rastłumačyła śpiecyjalist.

Akramia taho, rańniaj viasnoj pładovyja drevy treba abrezać.

«Ciapier užo, ja dumaju, nie budzie mocnych marazoŭ, tamu možna abrezać usie pładovyja drevy: jabłyni, kostačkavyja», — skazaza Nadzieja Kapičnikava.

Pavodle słoŭ śpiecyjalista, kali sydzie śnieh, treba padrychlić hlebu, unieści ŭhnajeńni, u asnoŭnym azotnyja.

Nadzieja Kapičnikava nahadała, što časam sadovyja škodniki ŭ Biełarusi aktyvizujucca davoli rana, tamu drevy i kusty treba svoječasova ad ich abaranić.

«Asabliva šmat prablem u apošnija hady z hrušavaj miedzianicaj, jakaja ŭ kancy sakavika, a moža i raniej, kali staić ciopłaje nadvorje, pačanaje adkładvać jajki. Kali brać pa jabłyni, to asnoŭny škodnik u nas kvietajed. Treba nie spaźnicca z apracoŭkaj suprać jaho. Kali tempieratura vyšej za plus 10, kvietajed pačynaje aktyŭničać, i paśla hetaha ŭžo pozna pracavać suprać jaho», — adznačyła pradstaŭnik NPC. Jana paraiła dačnikam uvažliva vyvučać śpiecyjalizavanyja časopisy pa sadoŭnictvu i prytrymlivacca rekamiendacyj, jakija ŭ ich dajucca.

BiełTA

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH