Minsk 9-10 lutaha stanie centram histaryčnych siarednieviakovych bajoŭ

Mižnarodny turnir pa histaryčnamu siarednieviakovamu boju «Kubak vykliku» projdzie ŭ Minskim dziaržaŭnym pałacy dziaciej i moładzi 9–10 lutaha.

Iskry stali, tresk ščytoŭ i blask miačoŭ — spabornictvy źbiaruć amal sotniu ŭdzielnikaŭ ź Biełarusi, Rasii, Ukrainy, Łatvii, Izraila i inšych krain.

Hałoŭnaje adroźnieńnie turniru «Kubak vykliku» ad mnostva pravodzimych takich fiestyvalaŭ — vysoki ŭzrovień udzielnikaŭ. Zaprašajucca tolki kamandy, jakija ŭžo zarekamiendavali siabie, — lidary histaryčnych bajoŭ u svaich krainach i rehijonach.

Sapierniki syducca ŭ adzinočnych bitvach, kožnaja ź jakich składajecca z troch raŭndaŭ pa try minuty, a taksama ŭ samym vidoviščnym vidzie prahramy — bajach farmatu 5×5, u jakich udzielničajuć dzie kamandy pa piać čałaviek. Taksama zapłanavany masavyja schvatki i Junijorski turnir pa spatyŭnamu miaču.

Histaryčny siarednieviakovy boj — novy vid sportu, jaki dynamična raźvivajecca i znajšoŭ adnadumcaŭ u bolš jak 30 krainach śvietu na čatyroch kantynientach.

U im vykarystoŭvajucca pradmiety histaryčnaj rekanstrukcyi abaronnaha i nastupalnaha ŭzbrajeńnia epochi siarednieviakoŭja, śpiecyjalna vyrablenyja i prystasavanyja dla poŭnakantaktnaj schvatki. Boj moža ŭklučać u siabie naminacyi z roznymi taktyčnymi ŭmovami i roznaj kolkaściu ŭdzielnikaŭ.

U hetym hodzie rycarskija batalii ŭ Minsku projduć treci raz.

BiełTA

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH