Biełaruś: niezaležnaja kraina ci rasijski pratektarat? - videa
Taki vybar musiŭ zrabić Pieršy Usiebiełaruski źjezd u śniežni 1917 hoda.
Sioleta spaŭniajecca 95 hadoŭ ad viekapomnych padziej, bieź jakich siońniašniaj niezaležnaj Biełarusi nie isnavała b. U śniežni 1917 u Minsku sabraŭsia Pieršy Usiebiełaruski źjezd. Jon sam i padziei, jakija adbyvalisia vakoł jaho, pieradvyznačyli dziaržavatvorčyja tendencyi na ŭsio XX stahodździe. Tady, miž 5 i 17 śniežnia, niezaležnaja Biełaruś mahła paŭstać na demakratyčnaj asnovie: upieršyniu ŭ historyi biełarusy ŭsich stanaŭ i miaścin sabralisia razam, kab na roŭnych radzicca pra budučyniu svajho kraju. Ale balšaviki, jakija žadali, kab Biełaruś zastavałasia kali nie častkaj Rasii, dyk rasijskim pratektaratam, skarystalisia pravam siły. Jak tolki delehaty abrali orhan kiravańnia krajem – Usiebiełaruskuju Radu – źjezd byŭ razahnany siłaj zbroi.
U źjeździe brali ŭdzieł mnohija z tych, chto budzie vyznačać kurs Biełarusi ŭ nastupnyja dziesiacihodździ.Chto pojdzie šlachami BNR, BSSR, Słuckaha paŭstańnia, antypolskaj partyzanki, zahinie ŭ katoŭniach NKVD, dasiahnie viaršyniaŭ ułady ŭ SSSR, zžyvie viek za akijanam... Pakul jany ŭsie razam, supolna vyrašajuć los krainy. Hladzim kino.
