Domračava prychvareła

Jak paviedamlałasia raniej, lidar biełaruskaj zbornaj pa bijatłonie Darja Domračava z-za drennaha samaadčuvańnia prapuścić siońniašniuju spryntarskuju honku na trecim etapie Kubka śvietu ŭ słavienskaj Paklucy.

«U suviazi z prastudnym zachvorvańniem trenierskim štabam pryniata rašeńnie nie zajaŭlać Darju Domračavu na spryntarskuju honku», — havorycca ŭ zajavie fiederacyi.

Spryntarskaja honka ŭ žančyn pačniecca ŭ 16.20 pa biełaruskim časie. Na jaje zajaŭleny piać biełaruskich bijatłanistak: Ludmiła Kalinčyk, Nastaśsia Dubarezava, Nadzieja Skardzina, Nadzieja Pisarava, Iryna Kryŭko. Usiaho ŭ honcy vystupić 101 spartsmienka.

Što ž tyčycca Domračavaj, to, prapuskajučy sprynt, jaki źjaŭlajecca adboram dla honki pieraśledu, Darja aŭtamatyčna prapuskaje i jaje.

Etap Kubka śvietu pa bijatłonie ŭ Słavienii zavieršycca 16 śniežnia mužčynskaj i žanočaj honkami z masavym startam.

U ahulnym zaliku Kubka śvietu na hety momant Domračava (244 ački) zajmaje 2-je miesca ŭśled za narviežka Turaj Bierhier (282).

BiełaPAN

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0