Andrej Kurejčyk atrymaŭ bilet Sajuza piśmieńnikaŭ
«Spadziajusia być i biełaruskamoŭnym aŭtaram».
Papularny scenaryst ustupiŭ u Sajuz biełaruskich piśmieńnikaŭ.
— Heta sajuz sa słaŭnaj historyjaj, sa słaŭnymi piśmieńnikami. Sajuz niezaležny, što dla mianie pryncypova.
— tłumačyć svoj vybar Kurejčyk. — Chaču padtrymać hetuju arhanizacyju, u tym liku i niejkimi svaimi dziejańniami. Dumaju, što mahu być karysny joj.
Pa słovach scenarysta, nichto nie vystupiŭ suprać jaho ŭstupleńnia na hałasavańni.
— Mnie dali rekamiendacyi Uładzimir Arłoŭ, Aleś Paškievič, Eduard Akulin.
Nakolki viedaju, heta było adkrytaje adzinahałosnaje rašeńnie Rady, na jakim členy prahałasavali za majo ŭstupleńnie. I ja im udziačny.
Bolšaść aŭtaraŭ SBP — biełaruskamoŭnyja. Ci nie pačnie Kurejčyk pisać na rodnaj movie?
— U mianie jość pierakłady pjes na biełaruskuju movu, i častka ź ich idzie pa-biełarusku, navat bolšaja častka. U Kupałaŭskim teatry, u Nacyjanalnym teatry ŭ Viciebsku, u Teatry biełaruskaj dramaturhii. I ŭsio što tyčycca biełaruskaha rynku — ja źbirajusia pisać pa-biełarusku. Prosta ja ŭ bycie vykarystoŭvaju ruskuju movu bolš, bo mnie tak lahčej.
Ale ŭ litaratury ja ŭsio-tki spadziajusia być u tym liku i biełaruskamoŭnym aŭtaram.
