«Ja ad vas daloka». Dančyk. «BMAGroup», 2005
Pieśni sałaŭja biełaruskaha adradžeńnia dahutel vychodzili tolki na viniłavych kružełkach i kasetach. Albom «Ja ad vas daloka», zapisany ŭ 1985 h. u ńju-jorskaj studyi «Angel Sound», — pieršy z seryi kampakt-dyskaŭ. Niahledziačy na minorny ład, pieśni ŭ Dančykavym vykanańni nastrojvajuć na pazytyŭ: hułki hołas, vydatnaja paezija i praniknionaje vykanańnie. Siarod piesień albomu — falklornyja ŭzory («U poli viarba», «Lanok»), pieśni na vieršy klasykaŭ (zahałoŭny tvor «Ja ad vas daloka» Mikoły Ščahłova-Kulikoviča na vierš Ja.Kupały, «Moj rodny kut» Ihara Łučanka na słovy Jakuba Kołasa) i pieraasensavańnie savieckaj klasyki («Biełavieskaja pušča» Alaksandry Pachmutavaj i Mikałaja Dabranravava ŭ pierakładzie Natalli Arsieńnievaj).
Nia mienš vartaja ŭvahi bonus-častka dysku, u jakuju ŭvajšoŭ 20-chvilinny videazapis hastrolaŭ śpievaka ŭ Miensku.
