У Беларусі з 1 лютага падаражэюць цыгарэты

У Беларусі зноў даражэюць цыгарэты: на сайце Міністэрства па падатках і зборах размешчана інфармацыя аб максімальных рознічных цэнах, якія ўводзяцца з 1 лютага. Пры гэтым цэны будуць павялічаны на цыгарэты II і III цэнавай групы, у той час як I цэнавай групы застануцца на ранейшым узроўні.

У прыватнасці, такія маркі, якія выпускаюцца на фабрыцы «Нёман», Monte Сarlo Super Slims падаражэюць на 10% да 5 500 рублёў, Cooper — на 14,6% да 4700 рублёў, Winston XS — на 5,3% да 7900 рублёў, Winston Super Slims — на 6,9% да 7700 рублёў, Glamour Super Slims — на 4,3% да 7200 рублёў.

Цыгарэты вытворчасці Тытунь-інвест West Compact падаражэюць на 3,2% да 6400 рублёў, West — на 3,3% да 6200 рублёў, Monte Carlo — на 10,0% да 5500 рублёў, Golden Gate — на 8,9% да 4900 рублёў, Winston — на 7,1% да 7500 рублёў.

У студзені цыгарэты ў Беларусі падаражэлі на 10–30%.

afn.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0