ЗША заяўляе на матч з Беларуссю сясцёр Уільямс
Капітан зборнай ЗША ў тэнісным Кубку Федэрацыі Мэры Джо Фернандэс апублікавала склад сваёй каманды на паядынак Сусветнай Групы II супраць зборнай Беларусі, які адбудзецца ва Уорчестере (Масачусэтс) 4–5 лютага.
Узначаляць каманду легендарныя сёстры Венус і Серэна Уільямс, таксама ў заяўку на матч ўключаны: адна з лепшых парных тэнісістак свету Лізель Хубер і перспектыўная Крысціна Макхейл.
«Я з нецярпеннем чакаю таго моманту, калі ўпершыню ў камандзе пад маім кіраўніцтвам згуляюць Венус і Серэна. Яны могуць дадаць нашай камандзе шмат пазітыву, не толькі за кошт выдатнай гульні на корце, але і дзякуючы ўпэўненасці, якую яны нададуць Крысціне і іншым чальцам зборнай.
Цяпер лідар нашых суперніц Вікторыя Азаранка паказвае лепшы тэніс у кар’еры, таму мы чакаем ўпартай бойкі», — прыводзіць AP словы Фернандэс.
