Дзікія жарсці чорнага лебедзя
«Чорны лебедзь» — прэтынцыёзная стужка Дарэна Аранофскага. «Оскар» Наталі Портмэн за найлепшую жаночую ролю
ЗША, 2010, каляровы, 103 хв.
Рэжысёр: Дарэн Аранофскі
Ролі выконваюць: Наталі Портмэн, Венсан Касэль, Міла Каніс, Ўайнона Райдэр, Джанет Мантгомэры
Жанр: Драма
Прэміі: Прэмія «Оскар» за найлепшую жаночую ролю і шчэ 4 намінацыі
Адзнака: 5 (з 10)
Ніна — маладая балярыны, якая прагне граць галоўныя ролі. Але на шляху да славы ёй замінаюць нечаканыя канкурэнткі і прагныя жаданні…
«Оскараўская» карціна Дарэна Аранофскага — гэта жорсткая барацьба за кулісамі «Лебядзінага возера», і невядома, дзе сапраўдны вораг. Аранофскі выкарыстоўвае папярэдні досвед «Барца» — і паказвае ўрачысты свет балету, як халоднае шаленства, расквечанае музыкай Чайкоўскага.
Халодныя пустыя калідоры, люстэркі, у якіх адбіваецца гераіня, тонкая музыка — і жарсці, якія кіпяць пад паверхняю скуры. Гераіня — у выкананні Наталі Портмэн — стрымана-канвульсіўная, ледзяная, з дзікімі плоцевымі фантазіямі, што не адрозніваюцца ад рэчаіснасці.
Гучыць і гучыць музыка. Белы лебедзь стаецца чорным. Воплескі сустракаюць смерць.
Але фільм Аранофскага занадта стрыманы для балету — і занадта банальны для сэксуальнага трылера.
