Знайсці
14.05.2021 / 11:05

Масавыя затрыманні каля суда па «Справе студэнтаў»

У пятніцу 14 мая пачынаецца суд па «справе студэнтаў». Па ёй праходзяць 12 чалавек. Моладзь абвінавачваюць у групавых дзеяннях, якія груба парушаюць грамадскі парадак (артыкул 342). Ім пагражае да трох гадоў калоніі.

Павялічыць

Чытайце таксама: 100-бальніца, мастачка, стараста групы. Хто тыя студэнткі-палітвязні, якіх дзяржава кінула на Валадарку

Пад будынкам Кастрычніцкага суда сабралася з сотню чалавек. Мамы, сёстры, бабулі, сябры, аднакурснікі.

На пасяджэнне пусцілі толькі адвакатаў і блізкіх сваякоў. Незалежныя журналісты так і засталіся за рамкамі металашукальнікаў. Пусцілі толькі прадстаўнікоў дзяржаўнай прэсы.

Павялічыць

«Вольных месцаў няма», — аб’яўляе супрацоўніца суда.

«Віка сірата. Пусціце нас. Вы казалі па два чалавекі можна да кожнага», — просяць дзяўчаты.

«Вы блізкія сваякі? Тады не», — для суда гэта не аргумент.

Пазней адной з дзяўчат усё ж дазволілі прайсці, калі па яе прыйшоў адвакат студэнткі.

«Пусціце бабулю. Я дужая, я пастаю», — плача бабуля студэнткі Касі Будзько.

Калі людзі пачалі разыходзіцца ад будынка суда, АМАП пачаў затрыманні. У прыватнасці, сілавікі схапілі Анатоля Лябедзьку.

Сярод затрыманых аказалася і журналістка Tut.by Любоў Каспяровіч. Перад затрыманнем яна інтэрв'юявала сяброў аднаго з абвінавачаных — выконвала свае прафесійныя абавязкі, рыхтуючы рэпартаж.

Пазней сілавікі паведамілі пра затрыманне 14 чалавек.

Павялічыць

Павялічыць

***

Хто гэтыя 12 чалавек, якія праходзяць па справе?

  1. Ксенія Сырамолат, стобальніца, студэнтка факультэта філасофіі і сацыяльных навук БДУ;
  2. Марыя Каленік, студэнтка факультэта экспазіцыйнага дызайну Беларускай дзяржаўнай акадэміі мастацтваў;
  3. Настасся Булыбенка, адлічаная студэнтка машынабудаўнічага факультэта БНТУ;
  4. Вікторыя Гранкоўская, адлічаная студэнтка архітэктурнага факультэта БНТУ;
  5. Ілля Трахтэнберг, другакурснік механіка-матэматычнага факультэта БДУ, удзельнік «Што? Дзе? Калі?»;
  6. Глеб Фіцнер, чацверакурснік факультэта міжкультурных камунікацый МДЛУ;
  7. Ягор Канецкі, пяцікурснік біялагічнага факультэта БДУ, актывіст Вольнага прафсаюза;
  8. Кася Будзько, студэнтка факультэта эстэтычнай адукацыі БДПУ, прыхільніца Задзіночання беларускіх студэнтаў;
  9. Яна Арабейка, студэнтка факультэта эстэтычнай адукацыі БДПУ, прыхільніца Задзіночання беларускіх студэнтаў;
  10. Таццяна Якельчык, студэнтка механіка-матэматычнага факультэта БДУ;
  11. Алана Гебрамарыям, уваходзіла ў асноўны склад Каардынацыйнай рады, актывістка Моладзевага блоку;
  12. Вольга Філатчанкава, выкладчыца БДУІРа.

Амаль усіх іх затрымалі ў «чорны чацвер» — 12 лістапада. Толькі Таццяну Якельчык схапілі пазней, 26 лістапада.

Раней Следчы камітэт заяўляў, што моладзь была каардынатарамі пратэсту ў сваіх універсітэтах, адміністравала тэматычныя тэлеграм-каналы, заклікала ўдзельнічаць у акцыях, распаўсюджвала лістоўкі. Па словах следчых, гэтыя пратэсты — спевы, скандзіраванне лозунгаў — зрывалі адукацыйны працэс.

NN.by, фоты Надзеі Бужан

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
май чэрвень ліпень
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30