Знайсці
13.04.2021 / 16:11

У квартале пад Мінскам пабудуюць «разумныя» кватэры. Што ўнутры

У квартале «Зялёная гавань» пабудуюць сіціхаусы з «разумнымі» кватэрамі. Яны стануць першымі ў краіне шматкватэрнымі дамамі, у якіх датчыкі і лічбавыя прылады стануць часткай аздаблення ад забудоўшчыка.

Павялічыць

Кватэры з аздабленнем у сіціхаусах абсталююць сістэмамі «разумны дом» польскага вытворцы Fibaro. Датчыкі ў пакоях збіраюць інфармацыю і перадаюць у цэнтр кіравання сістэмай. Усе дзеянні можна здзяйсняць са смартфона — праз мабільны дадатак Fibaro Home Center.

Адзін з датчыкаў спрацоўвае ў выпадку працёку вады: апавяшчае «мазгавы цэнтр» і пачынае сігналіць. Пасля гэтага кран з электрапрывадам аўтаматычна перакрые ваду, а на тэлефон паступіць сігнал трывогі. Датчык дыму ў сваю чаргу сумяшчае ў сабе функцыю пажарнай сігналізацыі: пры з'яўленні дыму ён пачне гудзець і адправіць паведамленне аб небяспецы на смартфон.

Сістэма таксама здольная сачыць за няпрошанымі гасцямі. Датчык адкрыцця дашле апавяшчэнне, калі выпадкова пакінуць дзверы адкрытымі, а таксама дапаможа даведацца тэмпературу ў кватэры ў бягучы момант.

Павялічыць

Прадугледжаны і разумныя разеткі, якімі можна кіраваць з дапамогай мабільнага дадатка. Напрыклад, уключыць кававарку яшчэ ў ложку, наладзіць кандыцыянер да вяртання дадому або абясточыць прас. У «разумны дом» таксама ўваходзіць прылада для кіравання электраматорам. Яго можна выкарыстоўваць, каб зашмаргнуць шторы або апусціць жалюзі. Пры неабходнасці будучыя гаспадары змогуць дапоўніць сістэму і іншымі функцыямі.

Пакупнікам кватэр у «Зялёнай гавані» таксама дадуць бясплатнае абслугоўванне на 2 гады па праграме «Клопат» ад кіруючай кампаніі «А-100 камфорт». Спецыялісты прасочаць за станам вуліц, двароў і месцаў агульнага карыстання, будуць даглядаць зялёныя зоны, дапамагаць жыхарам з ліквідацыяй няспраўнасцяў. Таксама прадугледжаны кругласутачны кліенцкі цэнтр і аварыйная служба. Падтрымліваць сувязь можна праз мабільны дадатак з любога пункту свету.

«Зялёная гавань» знаходзіцца за 3,5 км ад кальцавой дарогі па суседстве з заказнікам «Сціклева». ЖК уяўляе сабой закрыты комплекс плошчай 220 га з рознымі фарматамі дамоў у адзінай архітэктурнай стылістыцы: катэджамі, таўнхаусамі, лайнхаусамі і сіціхаусамі. Да забудовы прымыкаюць палі для гольфа чэмпіёнскага класа і гольф-акадэмія. У найбліжэйшай будучыні тут з'явяцца плошчы, бульвары, скверы, алеі і месцы для адпачынку. Асноўная ідэя забудовы — жыццё на прыродзе побач з лесам, але з гарадскім камфортам і інфраструктурай.

NN.by

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31