У віцяблянкі знайшлі больш за 400 патронаў

У віцебскай кватэры ў мясцовай жыхаркі праваахоўнікі канфіскавалі больш за 400 патронаў, паведамілі ва УУС аблвыканкама.

Аператыўнікам стала вядома, што жыхарка абласнога цэнтра збіраецца прадаць патроны. Сышчыкі высветлілі, што рэалізацыяй боепрыпасаў хоча заняцца 50-гадовая віцяблянка. Пры аглядзе яе кватэры міліцыянеры выявілі цэлы арсенал. Акрамя 400 патронаў розных калібраў у доме знаходзіліся фрагменты вінтоўкі Мосіна, а таксама 14 запалаў да гранатаў.

Жанчына распавяла, што ўсё знойдзенае належыць яе мужу, які цяпер жыве асобна. Муж і жонка затрыманыя, канфіскаваны арсенал, высвятляюцца крыніцы яго паходжання.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0