Знайсці
01.03.2021 / 18:21

У нядзелю ў лесе каля Салігорска затрымалі некалькі чалавек. Чацвёра — у ІЧУ да суда

У нядзелю, 28 лютага, у пасёлку побач з Салігорскам затрымалі некалькі чалавек. Трое з іх — страйкамаўцы «Беларуськалія». Яшчэ пяць — жанчыны. Ці былі іншыя затрыманыя, пакуль што дакладна невядома. Некаторых да суда з ізалятара адпусцілі дадому: гэта жанчыны, у якіх ёсць непаўналетнія дзеці, і пенсіянерка, піша Tut.by.

Павялічыць

Салігорск. Фота: Аляксандр Васюковіч, Tut.by

28 лютага ў лесапаркавай зоне каля пасёлка Тычыны Салігорскага раёна яны сустрэліся з сябрамі і аднадумцамі, гутарылі, фатаграфаваліся. Гэта было каля 16-й гадзіны дня, прыкладна праз паўгадзіны прыехаў АМАП.

— Чуем: «Стаяць — працуе АМАП». І пачалі нас затрымліваць. У выніку пяцярых жанчын пагрузілі ў адзін бус, некалькі хлопцаў — у іншы. Нас прывезлі ў ІЧУ і пакінулі ў прагулачным дворыку. Паступова адтуль клікалі на допыт: адразу быў вопіс рэчаў, потым пыталіся, у каго ёсць дзеці і хто дзе жыве.

Па словах затрыманай, тым часам у некаторых дома праводзілі агляд. У колькіх дакладна — невядома. У адной канфіскавалі чырвоную стужку, якой быў звязаны букет — яго дзяўчына дарыла маме на дзень нараджэння.

— Затым нас перавялі ў камеры і ўжо з камер выклікалі і складалі пратаколы паводле арт 23.4 КаАП (Непадпарадкаванне законнаму распараджэнню ці патрабаванню службовай асобы пры выкананні ім службовых паўнамоцтваў) і 23.34 КаАП (Парушэнне парадку арганізацыі або правядзення масавых мерапрыемстваў). У ІЧУ мы прабылі прыкладна да паўночы, затым пад распіску нас адпусцілі да суда дадому. З пяці жанчын адпусцілі чатырох: тых, у каго ёсць непаўналетнія дзеці, і пенсіянерку. Пенсіянерцы было дрэнна. Адну дзяўчыну пакінулі да суда ў ізалятары.

Вядома, што трое затрыманых у лесапарку хлопцаў — у ІЧУ ў Салігорску да суда. Усе трое — стачкамаўцы «Беларуськалія». Гэта Антон Дзямкоў, Канстанцін Дзяцееў, Андрэй Магілявец.

Журналісты пагаварылі з жонкамі затрыманых сябраў стачкама Антона Дзямкова і Андрэя Магіляўца. Па іх словах, мужы да гэтага часу ў ІЧУ, калі будзе суд — жанчыны дакладна не ведаюць. Па якіх менавіта артыкулах на іх мужоў склалі пратаколы, ім таксама дакладна невядома. Кацярына, жонка Антона Дзямкова, учора яго шукала сама:

— Я яму тэлефанавала, ён быў недаступны, у гадзіну ночы прачытала, што ён у міліцыі.

Наталля, жонка Андрэя Магіляўца, учора мужа таксама шукала сама: тэлефанавала ў мясцовае РАУС. Прыкладна а 22-й гадзіне вечара ёй пацвердзілі, што муж затрыманы.

Датэлефанавацца ва УУС Мінскага аблвыканкама, каб атрымаць аператыўны каментар па сітуацыі, не ўдалося.

Tut.by

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
сакавік красавік май
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30