Знайсці
22.01.2021 / 15:46

3 гады «хіміі» атрымаў мінчук, які выкаціў камень на дарогу падчас акцыі пратэсту

Абвешчаны прысуд па справе 25-гадовага палітвязня Валерыя Каленчыца. 10 жніўня Валерый разам з іншымі ўдзельнікамі акцыі пратэсту выкаціў камень на праезную частку на вуліцы Прытыцкага.

Суддзя Алена Жывіца прызнала яго вінаватым у актыўным удзеле ў дзеяннях, якія груба парушаюць грамадскі парадак (ч. 1 арт. 342 КК), і прысудзіла да 3 гадоў «хіміі». Абвінавачаны вызвалены ў зале суда, піша Tut.by.

Валерый Каленчыц з адукацыі зваршчык, яго затрымалі 16 кастрычніка 2020 года дома. Паводле версіі следства, 10 жніўня мужчына разам з групай асоб наўмысна перашкаджаў руху грамадскага транспарту, загадзя гэта спланаваўшы. Акрамя таго, не падпарадкаваўся неаднаразовым патрабаванням супрацоўнікаў праваахоўных органаў і парушыў закон «Аб масавых мерапрыемствах».

За гэтую ж акцыю ўжо асудзілі сябра Валерыя, Арцёма Мядзведскага, яго прысудзілі да 3 гадоў «хіміі», вызвалілі ў зале суда, пакуль прысуд не ўступіў у сілу.

Каленчыц у судзе пацвердзіў, што на фота, дзе людзі цягнуць камень на вуліцу Прытыцкага, паказаны ён, віну прызнаў часткова. Заявіў, што 10 жніўня быў дома з жонкай і аднагадовым дзіцем, калі яму патэлефанаваў сябар Арцём Мядзведскі і паклікаў гуляць. Яны сустрэліся на Пушкінскай, назіралі за акцыяй пратэсту, а потым адгукнуліся на просьбу іншых людзей, дапамаглі выкаціць камень на праезную частку. Пасля чаго Мядзведскі і Каленчыц стаялі ў баку і на працягу дзвюх гадзін з боку назіралі за тым, што адбываецца.

Абвінавачаны заявіў, што раскайваецца ў зробленым, удакладніў, што быў цвярозы, іншыя прадметы, акрамя каменя, не чапаў, заклікаў разысціся не чуў.

Прысуд — 3 гады «хіміі», у тэрмін будзе залічаны час, які абвінавачаны правёў у СІЗА — з 16 кастрычніка 2020 па 22 студзеня 2021 з разліку адзін дзень у ізалятары роўны двум дням «хіміі». Прысуд у законную сілу не ўступіў, Валерый Каленчыц вызвалены ў зале суда.

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28