Знайсці
01.01.2021 / 16:41

Памерла мастачка Ала Непачаловіч

Сёння ўначы памерла мастачка, выкладчыца, педагог Ала Непачаловіч. Ёй было 69 гадоў.

Пра смерць паведаміла ў сваім фэйсбуку Наталля Шаранговіч.

«У гэтым новым годзе мы б адзначалі яе юбілей — 70. І адзначым — выставай, добрымі словамі — але ўжо без яе. Горка…

Павялічыць

Ала Непачаловіч працавала як мастачка дэкаратыўна-прыкладнога мастацтва ў вобласці тэкстылю. Фота з фэйсбука Наталлі Шаранговіч

Памятаю, як яна радавалася у мінулым годзе цалкам нечаканай для яе ўзнагародзе — Нацыянальнай прэміі ў галіне выяўленчага мастацтва — за свае вытанчаныя творы. Мы паспелі павітаць яе гэтай прэміяй і сказаць ёй «дзякуй» своечасова, пры жыцці, а не за вочы, шкадуючы аб страчаных магчымасцях, як часта гэта адбываецца», — напісала Наталля Шаранговіч.

«Здаецца, вось толькі-толькі сустракаліся на адкрыццях, віншавалі адна адну са святамі, рэцэнзавалі аліных дыпломнікаў на абароне…

А планы — колькі іх у Алы заўжды было. Яе ніколі не трэба было ўгаворваць, варта толькі папрасіць дапамогі. Яна «загаралася», і дзяўчат-мастачак імгненна зацягвала ў свой творчы вір. Мяне заўсёды кранала яе стаўленне да людзей і калег — шчырае, прыязнае, адкрытае, без зайздрасці, толькі з пазітывам…

Яна згарэла хутка, літаральна на вачах, за некалькі тыдняў… Дасюль не верыцца…

А мне доўга яшчэ будзе здавацца, што яна дзесьці непадалёк, варта толькі набраць тэлефонны нумар або заскочыць у майстэрню…»

NN.by

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
люты сакавік красавік
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31