Даслаць навіну
Знайсці
28.11.2020 / 13:35

Беларускія банкі рыхтуюцца да адключэння ад SWIFT? Нацбанк просіць падключыцца да расійскага аналага

Некаторыя беларускія банкі на гэтым тыдні атрымалі ад Нацбанка ліст з просьбай забяспечыць падключэнне да расійскай сістэмы «Сервіс-бюро СПФС» — гэта расійская сістэма перадачы фінансавых паведамленняў, аналаг міжнароднай сістэмы SWIFT. Пра гэта «Нашай Ніве» паведамілі крыніцы ў банкаўскай сферы.

Праз SWIFT па змоўчанні працуюць амаль усе банкі света, з яго дапамогай адбываюцца транзакцыі між банкамі ў вядучых валютах.

Адключэнне SWIFT — гэта адна з імаверных, але не асабліва рэальных санкцый, пра якія гавораць праціўнікі рэжыму Лукашэнкі. 

«У выпадку калі нейкія беларускія банкі трапяць пад санкцыі, якія абмяжоўваюць іх доступ да міжнародных сістэм пераводаў, яны змогуць наладзіць плацяжы праз банкі Расіі», — лічыць эканамістка Кацярына Барнукова, якую мы папрасілі пракаментаваць ініцыятыву рэгулятара.

У самім Нацбанку «Нашай Ніве» адказалі, што ў Беларусі засталося яшчэ некалькі непадключаных да СПСФ банкаў. 

«Сервіс-бюро перадачы фінансавых паведамленняў Банка Расіі на базе ААТ «Беларускі міжбанкаўскі разліковы цэнтр», якое створана для аказання банкам і небанкаўскім крэдытна-фінансавым арганізацыям паслуг па перадачы фінансавых паведамленняў фармата SWIFT нерэзідэнтамі Беларусі, створана і ўведзена ў прамысловую эксплуатацыю з 29 лістапада 2019 года. 

На гэты момант 7 беларусіх банкаў ужо з'яўляюцца карыстальнікамі «Сервіс-бюро СПФС», 5 банкаў — на заключным этапе падключэння. Астатнія банкі разглядаюць магчымасці і ажыццяўляюць ацэнку ўнутраных рэсурсаў і гатоўнасці сваіх сістэм для падключэння да «Сервіс-бюро СПФС», — сказалі «Нашай Ніве» у прэс-службе Нацбанка. 

NN.by

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
снежань студзень люты
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31