Даслаць навіну
Знайсці
25.11.2020 / 10:44

«Здаў мяне хтосьці ці ў міліцыі прасунутая сістэма маніторынгу?» На дзяўчыну склалі адразу чатыры пратаколы за здымкі ў інстаграме

«Мой адвакат сказаў, што гэта цікавы кейс у юрыдычнай практыцы», — усміхаецца мінчанка Дар'я Саладуха. На яе склалі адразу чатыры пратаколы праз фота ў інстаграме і так асудзілі за ўдзел у «несанкцыянаваных мерапрыемствах».

Павялічыць

Фота з сацыяльных сетак

Дар’ю ні разу не затрымлівалі. 9 лістапада проста патэлефанавалі з міліцыі і запрасілі на гутарку. Інспектар паклаў перад дзяўчынай чатыры раздрукаваныя скрыншоты з яе інстаграма: «Што вы скажаце па гэтых фота?» На двух быў бачны твар Дар’і, на трэцім складана апазнаць асобу, а чацвёртым аказаўся агульны здымак Tut.by з Курапат. Дзяўчына адмовілася даваць тлумачэнні: толькі ў судзе. Больш пытанняў ёй не задавалі.

За кожнае фота (яны былі апублікаваны ў розны час) склалі пратакол па артыкуле 23.34.

24 лістапада суддзя Заводскага раёна Кацярына Мурашка разглядала адразу ўсе чатыры справы. 

«Я віну не прызнала ні па адной. Казала, што была ў тыя дні дома і не хаджу цяпер на маршы. Тлумачыла, што фота можна зрабіць у адзін час, а апублікаваць у іншы.

Суддзя не ціснула на мяне, казала па справе. Задавала шмат пытанняў: якая ў мяне марка тэлефона, чаму я на фота ў такой адзежы. Пры мне залезла ў свой мабільны, каб паглядзець, якое надвор’е было ў той ці іншы дзень.

Па ўсіх пратаколах быў адзін і той жа сведка — Пётр Генадзьевіч Ржэўскі, які нібыта бачыў мяне і на праспекце Пераможцаў, і ва ўрочышчы Курапаты. На пасяджэнне ён не прыйшоў.

Да мяне было тры суды праз скайп, усім давалі суткі. Мне за чатыры пратаколы далі штраф — агулам 30 базавых. Гэта цуд!» — кажа Дар'я.

Яна расказвае, што незадоўга да званка з міліцыі на працы (гэта дзяржаўная ўстанова) яе выклікала кіраўніцтва на прафілактычную гутарку — наконт яе допісаў у інтэрнэце.

«Яшчэ ў верасні пачалі намякаць, што трэба клапаціцца пра сябе. Маўляў, палітыка ў нашай краіне — справа небяспечная, лепш сядзець ціха. Але я адразу абазначыла сваю пазіцыю. Тады сказалі, што ў вольны час мы маем права займацца чым заўгодна, — згадвае дзяўчына. — 

Не ведаю, здаў мяне хтосьці ці ў міліцыі такая сістэма маніторынгу».

НЛ

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
снежань студзень люты
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31