У Смаргоні на даху гімназіі замянілі чырвона-зялёны сцяг на бел-чырвона-белы. Завялі справу па патрабаванні пракуратуры
Смаргонская міліцыя высветліла, што каля 23-й гадзіны 18 кастрычніка трое грамадзян М., Г. і В. з дапамогай рыштаванняў падняліся на дах гімназіі Смаргоні. Тут яны знялі з флагштока дзяржаўны сцяг і замянілі яго на бел-чырвона-белы. Знятае палотнішча мужчыны забралі з сабой, паведамляе Генеральная пракуратура.
Па выніках праверкі Смаргонскі РАУС вынес пастанову аб адмове ва ўзбуджэнні крымінальнай справы ў сувязі з адсутнасцю ў дзеянні складу злачынства.
Аднак пракуратура лічаць, што М., Г. і В. хацелі прадэманстраваць сваё зняважлівае стаўленне да сімволікі краіны. Тым самым яны здзейснілі здзек з дзяржаўнага сцяга (арт. 370 Крымінальнага кодэкса).
Пасля вывучэння матэрыялаў праверкі пракуратура Смаргонскага раёна, адмяніўшы названую пастанову органа дазнання, пачала крымінальную справу.
