Амерыканскія пратэсты перакінуліся на Парыж
Французская паліцыя ўжыла слезацечны газ супраць пратэстоўцаў у Парыжы. Удзельнікі зладзілі несанкцыянаваны мітынг на фоне смерці Джорджа Флойда ў ЗША, паведамляюць інфармагенцтвы.
FLASH - Des milliers de personnes manifestent en mémoire d'#AdamaTraore et contre les #ViolencesPolicieres Porte de #Clichy à #Paris. Les manifestants scandent "pas de justice pas de paix". #BlackLivesMatter#BlackOutTuesdaypic.twitter.com/hA0hJEAHPg
Некалькі тысяч чалавек у французскай сталіцы парушылі забарону на масавыя мерапрыемствы, уведзеную з-за пандэміі.
Спачатку яны мірна пратэставалі, затым збудавалі барыкады і падпалілі іх. Агонь ахапіў некалькі машын. Для разгону пратэстоўцаў спецпадраздзяленні паліцыі ўжылі слезацечны газ.
Пратэсты ў Францыі і іншых краінах пачаліся пасля беспарадкаў у ЗША. Іх прычынай стала гібель афраамерыканца Джорджа Флойда ў Мінеапалісе 25 мая. Мужчыну, якога падазравалі ў фальсіфікацыі дакументаў, падчас затрымання паліцэйскі націснуў каленам на горла. Пазней Флойд памёр у бальніцы. Пасля гэтага па ўсіх ЗША пачаліся масавыя беспарадкі.
У 40 гарадах увялі каменданцкую гадзіну. Падчас сутыкненняў загінулі некалькі чалавек. Некалькі тысяч былі затрыманыя. Пратэстоўцы паляць машыны, рабуюць крамы і нападаюць на мінакоў.
