Даслаць навіну
Знайсці
21.05.2020 / 14:54

«Галіяфы» прапануюць: антыкрызісныя зніжкі на цікавыя кніжкі

Павялічыць

Кнігарня «Галіяфы» запусціла антыкрызісныя зніжкі і спадзяецца, што цэны на кнігі прыемна здзівяць чытачоў.

Вольга Гапеева. Кэмэл-Трэвэл

 Павялічыць

Наватарскі раман Вольгі Гапеевай «Кэмэл-Трэвэл» апісвае сусвет, дзе суіснавалі некалькі рэчаіснасцяў, гімнаў, сталіцаў, ідэнтычнасцяў. На гэтым фоне разгортваюцца першыя жыццёвыя прыгоды галоўнай гераіні, якая далёкая ад ідэалізацыі былых часоў, ад настальгіі. Гэты раман — гісторыя чалавечай крохкасці і даверу ў эпоху жуды і дэфіцыту не толькі прадуктаў, але і пачуццяў.

Сёлета паэтычная кніга Вольгі Гапеевай «Чорныя макі» трапіла ў кароткі спіс прэміі Наталлі Арсенневай.

Вера Бурлак. Фантазюркі

Павялічыць

Што спяваюць розныя машыны? Адкуль бяруцца і куды знікаюць зачараваныя домікі? Якія падзеі разгортваюцца ў лужынах? Аматарам пафантазіраваць, малым і вялікім, — новая кніжка вершаў Веры Бурлак.

Кніга атрымала Прэмію Цёткі як найлепшая кніга года для дзяцей і падлеткаў.

Святлана Аўдзейчык. Кніга здольных. Спадкаемы Сакрума 1 

 Павялічыць

 З аднаго боку містычны Край, а з другога — Бязмежнае мора. Праз што цярпяць пакаранне жыхары Ларбора, аказаўшыся ў ізаляцыі? Чаму краіна, якая належала здольным, цяпер у руках няздараў-захопнікаў і пачварных пронгаў? Навошта варагуюць навучэнцы дзвюх школ, у якіх дзеці здольных спасцігаюць баявое мастацта продкаў? І, нарэшце, самае галоўнае пытанне — што такое Сакрум, які марыць атрымаць кожны?

Рой — навучэнец Аквілы, паступова робіць крокі да разгадкі гэтай таямніцы, але ўсе ведаюць, што Сакрум сам абярэ сабе гаспадара, і шэраг падзей, які прывядзе да гэтага ўжо запусціўся.

Для дзяцей сярэдняга і старэйшага школьнага веку.

Міхаэль Кёльмаер. Дзяўчынка з напарсткам

 Павялічыць

Галодная гераіня прыходзіць у краму. Яна не разумее нічога з таго, што ёй кажуць, але на слове «паліцыя» пачынае крычаць. Хто яна і адкуль? Як завецца? «Йіца», — кажа яна, хоць ведае, што Йіца — гэта не імя. Пазней у прытулку яна сустрэне двух хлапчукоў: Шамхан з Арыянам такія ж нічыйныя дзеці, як і яна сама. Разам яны выправяцца шукаць сабе месца ў невядомым горадзе.

У цэнтры ўвагі Міхаэля Кёльмаера такія базавыя тэмы, як цялеснасць, мова, повязі між людзьмі. «Дзяўчынка з напарсткам» — гэта аповед не толькі пра жыццё на задворках грамадства, але і пра чалавечае быццё наагул.

Пераклад з нямецкай Iрыны Герасімовіч. 

 

Эрык Карл. Вельмі галодны вусень

Павялічыць

Гэта дзіцячая кніжка з малюнкамі амерыканскага пісьменніка Эрыка Карла. Тэкст кнігі ўяўляе сабой гісторыю вусеня перад яго ператварэннем у матылька. Кніга на кардонных лістах, яркая асаблівасць — наяўнасць дзірак у кардоне («праедзеных» вусенем).

Агульны наклад арыгінальнай кнігі склаў больш за 30 мільёнаў асобнікаў, яна стала адной з самых прадаваных у гісторыі. Кніга атрымала велізарную папулярнасць у англамоўным свеце, заваявала шмат узнагарод і была перакладзеная больш чым на 50 моў, яна пастаянна фігуруе ў спісах найлепшых дзіцячых кніг або найлепшых кніг на англійскай мове.

У беларускім перакладзе кніга выйшла ў 2019 годзе, праз 50 год пасля першага выдання арыгіналу.

Для дашкольнага веку. Пераклад з англійскай мовы Таццяны Жаўняровіч.

Франц Сіўко, Юры Станкевіч. Дыялог

Павялічыць

Гэтае выданне — своеасаблівая анталогія твораў, аб’яднаных сугучнасцю аўтарскіх поглядаў на з’явы грамадскага і культурнага жыцця Беларусі савецкага часу і так званага пераходнага перыяду. Аповесць Франца Сіўко «Удог» і раман Юрыя Станкевіча «Любіць ноч — права пацукоў» маюць як гарачых прыхільнікаў, так і непрыяцеляў, што з улікам надзённасці тэм і варыянтнасці іх інтэрпрэтацый цалкам зразумела. Творы, напісаныя на мяжы ХХ—ХХІ ст. і змешчаныя ў кнізе згодна з храналогіяй адлюстраваных у іх падзей, і праз дваццаць год пасля першага з’яўлення ў друку не страцілі актуальнасці і будуць цікавыя масаваму чытачу.

У новым выданні змешчаная гутарка Юрыя Станкевіча і Франца Сіўко.

Эльжбета Інеўска. Фердынанд Рушчыц. Грамадзянін Незалежнай

Павялічыць

Сёлета спаўняецца 150 гадоў з дня нараджэння Фердынанда Рушчыца.

Фердынанда Рушчыца — мастака-жывапісца ведаюць, напэўна, усе. Нядзіўна, што яго вобразы, якія характарызуюцца бесперапыннай эвалюцыяй стылю і тэмы, і сёння прыцягваюць увагу мноства зацікаўленых аматараў. Аднак мала хто ведае, што Рушчыц таксама быў выдатным сцэнографам, графічным дызайнерам, грамадскім актывістам.

 

Усе кнігі выдавецтва «Галіяфы» можна набыць у краме (вул. Няміга, 3, цокальны паверх, бокс 47) альбо праз інтэрнэт-краму. Ажыццяўляецца паштовая перасылка. 

NN.by

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30