Італія з 3 чэрвеня адкрывае межы для краін, дзе далі рады каранавірусу
Урад Італіі мае намер з 3 чэрвеня зняць забарону на паездкі паміж рэгіёнамі, а таксама дазволіць уязджаць у краіну і выязджаць з яе ў сувязі з паслабленнем абмежавальных мер, уведзеных праз каранавірус новага тыпу. Пра гэта паведамляе ТАСС са спасылкай на інфармацыю ўрадавай прэс-службы, апублікаваную па выніках пасяджэння Савета Міністраў краіны.
Як адзначаецца ў паведамленні, з 3 чэрвеня паездкі паміж рэгіёнамі Італіі могуць быць забароненыя толькі ў выпадку наяўнасці высокай рызыкі заражэння каранавірусам у гэтых раёнах. Гэтыя ж правілы будуць прымяняцца і да грамадзян, якія плануюць уехаць у Італію або выехаць з яе, то-бок дзяржаўная забарона можа быць уведзена на наведванне, а таксама прыбыццё з краін і з тэрыторый са складанай эпідсітуацыі і ў адпаведнасці з абмежаваннямі, якія вынікаюць з указаў ЕС і міжнародных абавязацельстваў. Перамяшчэнні паміж Ватыканам або Сан-Марына і суседнімі тэрыторыямі будуць дазволеныя.
Акрамя таго, з 18 мая здымаюцца абмежаванні на перамяшчэнне грамадзян у межах аднаго рэгіёна, аднак у выпадку абвастрэння эпідсітуацыі мясцовыя ўлады могуць аднавіць дзеянне абмежавальных мер.
На сёння ў Італіі зафіксавана амаль 224 тысячы інфіцыраваных, з якіх больш за палову (больш за 120 тысяч) паправіліся і больш за 31,5 тысячы памерлі.
