Даслаць навіну
Знайсці
31.03.2020 / 13:36 7

«Баюся ўявіць, што будзе далей». Жанчына, якой сказалі пераздаць мазок на карону, сутыкнулася з балаганам у раённай паліклініцы

Павялічыць

Ілюстрацыйнае фота: Надзея Бужан

«Два тыдні таму перасекла мяжу ў аўтобусе, арганізаваным беларускім кансулятам у Польшчы, — напісала ў «Нашу Ніву» чытачка. — Запоўніла крыва раздрукаваную і напалову нябачную анкету з асабістымі данымі (далучаю фота), узялі мазок на каранавірус ва ўсяго аўтобуса, казалі, што ператэлефануюць на працягу сутак, калі ў кагосьці вынік будзе станоўчы. Не ператэлефанавалі, але праз 2 дні пазваніла ўчастковая медсястра з раённай паліклінікі і запрасіла на паўторны тэст праз 14 дзён. Нават прыемна здзівілася, бо менавіта такую схему раіць Сусветная арганізацыя аховы здароўя.

Павялічыць

З чыстым сумленнем пасля двухтыднёвай самаізаляцыі сёння прыйшла ў названы пакой у інфекцыйным аддзяленні. Медперсанал там у масках, але ў некаторых тыя маскі панура звісаюць, зачэпленыя за вушы — нібы яны ёсць, і нават надзетыя, але толку?

Я была другая ў чарзе. Перад мной хворая жанчына ў масцы. Чакала хвілін 20, пакуль яна выйдзе.

Заходжу ў кабінет, размінаюся з медсястрой. Пытанне з парогу: ці ёсць тэмпература? Адказваю: не. Апавядаю, чаго прыйшла. Доктар просіць пачакаць за дзвярыма, пакуль вернецца медсястра, якая «пайшла выпісваць бальнічны», і возьме мазок. Выходжу, чакаю яшчэ 20 хвілін. Прыём ідзе далей, чарга інфекцыйнага аддзялення рухаецца. Думаю сабе: калі я і не хворая, то не факт, што нешта не падчаплю тут. Прыкладна тое кажу доктару, калі спрабую 2 разы на працягу гэтых 20 хвілін даведацца, ці не пайшла медсястра папіць гарбаты. У доктара, аказваецца, няма яе нумару тэлефона, яна ідзе тую шукаць, вяртаецца са словамі «Зараз прыдзе, чакайце». Чакаю.

Нарэшце з’яўляецца. Са словамі «Што там такое срочнае?» заходзіць у кабінет, выходзіць і да мяне — «Эта не ка мне». А да каго? Пытаюся і зноў расказваю гісторыю, што прыйшла на паўторны мазок па запрашэнні з вашай жа паліклінікі.

Бярэ маю амбулаторную картку і знікае ў калідоры. Вяртаецца праз 5 хвілін: «Ідзіце ў кабінет такі і такі, там прымае загадчыца, з ёй усё высвятляйце».

Пытаюся: Зноў чакаць 40 хвілін у чарзе? «Там няма чаргі».

Добра, еду ліфтам наверх. «Няма чаргі» азначае 15 смарката-чыхатых пад кабінетам. Званю непасрэдна да медсяры, якая запрасіла на тэст, добра, што захавала яе нумар, апавядаю сітуёвіну. Чую: «Ідзіце да дзяжурнай медсястры, яна скажа, што рабіць». Іду. Канечне, зачынена. Спрабую зноў прарвацца ў кабінет, дзе прымае загадчыца, народ у чарзе абураецца. Раптам ператэлефаноўвае медсястра: «Ой, ну ў нас пастаянна ўсё мяняецца, 2 дні таму выйшла новая паперка: калі не было ніякіх прыкметаў хваробы, то паўторна тэст не здаецца. Ідзіце дадому».

Бінга! Пытанне: адкуль яна ведае, ці былі прыкметы? А можа, па голасе вызначыла?

ККД — зэро + гадзіна і 10 хвілін, праведзеныя ва ўстанове з кучай хворых людей. Усё, што трэба ведаць пра інфармаванасць і гатоўнасць белмедыцыны нават не да крытычнай сітуацыі. Баюся ўявіць, што будзе далей.

Хочаш падзяліцца важнай інфармацыяй
ананімна і канфідэнцыйна?

NN.by

73
Ляксандра / адказаць
31.03.2020 / 16:38
Женщину,конечно,зря погоняли.Но пусть уж простит.Она не одна.Обстановка напряжённая.Медперсонал перегружен.Работают не покладая рук.Но,кстати,не забыли же позвать через пару недель на перепроверку?Здоровую.А если бы больную забыли позвать?Какие были бы последствия?Прежде чем рассылать жалобы на действия медработников,надо поставить себя на их место.Они не роботы.Кстати,за границу даму ни кто насильно не посылал.И почему это они "рассыпаться" перед ней должны?
1
Кира / адказаць
01.04.2020 / 21:01
Ляксандра, зачем рассыпаться, можно было позвонить и дать "отбой" повторному мазку, всего лишь, в такой ситуации заболеть как раз плюнуть, зря человека подвергнули опасности, и при чём тут Ваши рассуждения про заграницу, Вы знаете кто кого посылал, а кого нет, цель нахождения за границей не важна, может человек по работе ездил. В общем медицина наша как всегда на высшем уровне.
2
Хэльвіг / адказаць
02.04.2020 / 07:10
Гэта ў Беларусі называецца шведскі + паўднёвакарэйскі спосаб змаганьня з каранавірусам. Дзе там наша Міністэрства аховы здароўя? А можа лепш Міністэрства замежных спраў адкажа прэзыдэнту Летувы словамі з мультфільма пра Шапакляк. Як выглядае нам да Летувы (і не толькі), як да неба ракам. На жаль, пры абсалютна неадпаведнай і неадэкватнай асобе на чале дзяржавы, іншага чакаць не выпадае. Толькі наступствы для ўсіх нас могуць быць катастрафічнымі.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31