Трамп абвінаваціў Расію і Саудаўскую Аравію ў імклівым падзенні сусветных рынкаў
Прэзідэнт ЗША Дональд Трамп на сваёй старонцы ў Twitter напісаў, што спрэчкі паміж Расіяй і Саудаўскай Аравіяй сталі прычынай імклівага падзення цэн на нафту.
«Саудаўская Аравія і Расія спрачаюцца наконт цаны і патоку нафты. Гэта, а таксама фэйкавыя СМІ, з'яўляюцца прычынай падзення рынку», — адзначыў Трамп.
Saudi Arabia and Russia are arguing over the price and flow of oil. That, and the Fake News, is the reason for the market drop!
Таксама прэзідэнт ЗША адзначыў, што зніжэнне цаны на бензін з'яўляецца добрай навіной для спажыўца.
«Добра для спажыўца, што цэны на бензін зніжаюцца», — напісаў Трамп.
Good for the consumer, gasoline prices coming down!