Ва Украіне пачнуць зачыняць школы і забараняць масавыя мерапрыемствы

Віктар Ляшко, РБК — Украіна

У найбліжэйшы час з-за каранавіруса ва Украіне пачнуць уводзіць абмежавальныя меры. Пра гэта ў Новых Санжарах заявіў галоўны санітарны доктар Віктар Ляшко, паведамляе РБК- Украіна.

Паводле яго слоў, абмежавальныя меры закрануць школы і масавыя мерапрыемствы.

«У найбліжэйшы час мы, на жаль, будзем вымушаныя ўводзіць абмежавальныя супрацьэпідэмічныя мерапрыемствы. Мы будзем забараняць правядзенне масавых мерапрыемстваў, канферэнцый і спартыўных мерапрыемстваў. Будзем зачыняць часова школы, каб паменшыць масавыя скапленні людзей», - заявіў Ляшко.

Па стане на 5 сакавіка на каранавірус правяраюць каля 10 украінцаў з характэрнымі сімптомамі.

0

0

0

0

0

0