Даслаць навіну
Знайсці
02.12.2019 / 18:09 9

«Не падзялілі дом?» — што вядома пра трагедыю ў Краснаполлі, дзе брат забіў брата

Уначы 30 лістапада ў гарадскім пасёлку Краснаполле, што на Магілёўшчыне, пасварыліся двое братоў. Скончылася ўсё забойствам.

Леанід і Андрэй Рубаны жылі ў адным доме з маці.

Леаніду было 38 гадоў. Ён разведзены, меў дачку-падлетка. Быў дробным прадпрымальнікам, займаўся пасажырскімі перавозкамі, меў атракцыёны ў мясцовым парку: улетку выстаўляў батуты, дзіцячыя машынкі.

Андрэй маладзейшы на год, ён, кажуць, часам падпрацоўваў у брата. Але сталой працы не меў, жыў за кошт мамы і Леаніда.

Жанаты Андрэй не быў — не было калі, мужчына два разы сядзеў за цяжкія злачынствы.

Час ад часу Андрэй выпіваў. Яго старэйшы брат Леанід не дакранаўся ані да алкаголю, ані да цыгарэт, расказваюць у Краснаполлі.

Павялічыць выяву

Леанід (злева) і Андрэй (справа) Рубаны з маці

У той вечар, 30 лістапада, Андрэй трохі выпіваў са знаёмымі і мамай ( яна, праўда, не піла), пакуль брата не было дома. Пасля яны пайшлі да іншага брата, там пасядзелі ў лазні.

Андрэй сказаў маці: начуй ужо тут, у сваяка, што табе ісці па холадзе. А сам вярнуўся дадому, дзе і сустрэў Леаніда.

Браты пасварыліся. Ходзяць чуткі, што прычынай сваркі стаў дом: браты, маўляў, пачалі яго дзяліць. Іншая версія, што, магчыма, старэйшы брат упікнуў малодшага праз яго лад жыцця.

Праўда, дакладная прычына сваркі невядомая. У тую ноч браты былі дома адны, маці не было. Ды і сварыліся яны нярэдка, кажуць знаёмыя.

У выніку Андрэй узяў стрэльбу і забіў старэйшага брата.

«Падчас сваркі падазраваны дастаў незарэгістраваную паляўнічую стрэльбу і зрабіў адзін стрэл у грудзі пацярпеламу. Ад атрыманых цялесных пашкоджанняў мужчына памёр на месцы здарэння», — паведаміў Следчы камітэт.

Пасля забойства Андрэй проста сядзеў на ганку і чакаў, пакуль хтосьці прыйдзе, расказваюць знаёмыя сям'і Рубанаў. У дом завіталі сваякі, Андрэй сказаў ім: «Дапамажыце!».

Сваякі зайшлі ў дом, там на падлозе ля ложку ляжала цела Леаніда. Яны і выклікалі міліцыю. 

Раней Андрэй ужо быў судзімы за забойства і рабаўніцтва.

«Мясцовага жыхара зарэзаў, штосьці там яны не паладзілі…. Сядзеў, здаецца, 14 гадоў. Да гэтага яшчэ сядзеў: кагосьці пабіў і грошы адабраў», — расказаў «Нашай Ніве» знаёмы Рубанаў.

Андрэй Рубан выйшаў на волю ў 2017 годзе. Праўда, зняволенне яго не выправіла.

«Хтосьці едзе ў турму пакутаваць, а я там нават вельмі добра адпачыў!…», — напісаў Андрэй на сваёй старонцы ў сацсетках.

Цяпер ён пад вартай, неўзабаве адправіцца на чарговы «адпачынак»: мужчыну пагражае пажыццёвае ці нават расстрэл.

Яго брата Леаніда пахавалі 2 снежня.

УШ

7
Qwi / адказаць
02.12.2019 / 21:15
Грязный Гарри, угу, прямо так и все бросили пить, стоит только водку сделать по 20 долларов за бутылку. Как это никто в правительстве не додумался до этой простой и гениальной идеи? А если мозг включить? Разве нельзя водку привезти из той же России? Или выгнать самому? А еще проще сходить на точку за спиртом. Вот уж правильно говорят- простота хуже воровства.
33
Виталий Cпикин / адказаць
02.12.2019 / 22:50
не для комментария,а для редакции.,  Меня совсем не удивляет, когда в одной семье "люди и нелюдь", как вы выразились. Ибо у самого похожая картина. Старший вовремя получил высшее образование, да и непростое, а программист. Свалил в США и меняет там авто чаще, чем я комп.... С ним не общаемся, ни у кого нет ни контактных телефонов, ни данных каких соцсетей (по крайней мере я ему координат не давал, может он сам нашёл - разговор отдельный). 
Вот думаю, что это будет, когда мать отдаст тут концы (всё же ей уже больше 70), как он будет узнавать....

А тем временем, пока мой братец жирует на том конце света, я... побираюсь по белорусским чиновникам с просьбой о подачках, или по гнилым отделам трудоустройства с просьбой подобрать работу хотя бы на 500 рублей....
Уверен, что в любой нормальной семье братик, живущий в США, дал бы белорусскому братцу если не чисто по-человечески денег на какую раскрутку хоть какой мелочёвки, то хотя бы в долг, без диких банковских процентов.

Но увы, это жизнь, и не зря ходит поговорка "хочешь узнать человека - дай ему власти и денег". Некоторые, почувствовав сильный запах денег, меняются до неузнаваемости, задирают нос выше крыши....
Всех подробностей конфликта в обсуждаемой статье мы не узнаем уже, но я склоняюсь к мнению, что тут убитый и состоятельный именно "рисанулся," типа он такой крутой, пальцы веером, а второй типа ничтожество, никто и ничто.... Вот и готовая почва для преступления. 

1
не для комментария,а для редакции. / адказаць
03.12.2019 / 06:26
"Отдать концы"-это из морской терминологии. А люди-умирают...
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31