Даслаць навіну
Знайсці
03.11.2019 / 16:16 8

Праціўнікі акумулятарнага завода ў Берасці правялі мітынг, нягледзячы на зняцце ўсіх сваіх кандыдатаў з выбараў

Павялічыць выяву

Праціўнікі акумулятарнага заводу на мітынгу ў Берасьці, 3 лістапада.

Вялікі мітынг праціўнікаў будаўніцтва акумулятарнага завода ля Берасьця быў заплянаваны на 3 лістапада ў якасьці перадвыбарчага мерапрыемства адзінага зарэгістраванага ў якасьці кандыдата ў дэпутаты актывіста Уладзіміра Мароза, піша Радыё Свабода.

Аднак за два дні да правядзеньня мітынгу Мароза зьнялі з удзелу ў выбарах рашэньнем тэрытарыяльнай выбарчай камісіі, якая паведаміла аб выяўленых парушэньнях з боку Мароза. Нягледзячы на гэта анансаваны мітынг адбыўся амаль у тым самым месцы і ў той самы час.

Актывістаў падтрымалі кандыдаты ад Беларускай сацыял-дэмакратычнай партыі «Грамада» Ігар Маслоўскі і Ганна Канюс. На пляцоўцы насупраць берасьцейскага палацу культуры Прафсаюзаў сабралася каля 200 чалавек.

Павялічыць выяву

Павялічыць выяву

Ігар Маслоўскі

Павялічыць выяву

«Мы ад самага пачатку былі на баку пратэстоўцаў, яшчэ ў першым сходзе ў Тэльмах удзельнічалі, — расказаў Свабодзе Ігар Маслоўскі. — Магчыма, не так актыўна гэта было, але мы заўсёды выступалі супраць гэтага прадпрыемства ў такой форме, у якой яно будавалася. Таму зараз вырашылі падтрымаць актывістаў, запрасіць іх выступіць на нашым пікеце.

Ці не баюся я, што ўлады здымуць мяне і Ганну з выбараў пасьля гэтага? Мы ўсё робім па законе, у нас няма парушэньняў. Калі нейкія захады будуць з боку ўладаў, мы можам зьняць усіх сваіх кандыдатаў па Берасьцейскай вобласьці з выбараў. Гэта дзевяць чалавек. Мы гатовыя і да гэтага».

Акрамя Ігара Маслоўскага і Ганны Канюс на пікеце выступілі таксама актывісты Дзьмітрый Бекалюк, Аляксандар Кабанаў, Сяргей Пятрухін і іншыя. Зьняты з выбараў кандыдат ад «акумулятаршчыкаў» Уладзімір Мароз таксама быў на мітынгу, аднак з прамовай не выступаў.

Павялічыць выяву

Павялічыць выяву

Блогер Сяргей Пятрухін

Павялічыць выяву

«Як мяне здымалі, гэта цэлая камэдыя была, — расказаў Свабодзе Мароз. — Званіць пачалі яшчэ ў чацьвер увечары, ужо пасьля завяршэньня працоўнага дня. Я быў заняты, не чуў тэлефона. Потым гляджу — а там 27 прапушчаных. Ад старшыні выбарчай камісіі. Званю, запрашаюць прыходзіць на паседжаньне.

Прыйшлі мы, назіральнікі ад АБСЭ. Улёткі гэтыя аднекуль зьявіліся (Мароза абвінавацілі ў вырабе незаконных агітацыйных матэрыялаў. — РС). Я да іх ніякага дачыненьня не маю. Толькі паседжаньне кончылі, мне адразу паперу на подпіс даюць. Пра тое, што мяне здымаюць з выбараў. Я кажу, дык камісія толькі сабралася, адкуль у вас ужо рашэньне гатовае ёсьць? Цырк».

Па словах ужо былога кандыдата ў дэпутаты, паводле закону ён мае тры дні на абскарджаньне рашэньня выбарчай камісіі, аднак мітынг яму забаранілі праводзіць ужо ў пятніцу. На выказваньне Аляксандра Лукашэнкі аб кандыдатах-«акумулятаршчыках», якія ірвуцца ў Менск, Мароз таксама рэагуе эмацыйна.

«Гэта мы што, тут два гады змагаемся толькі для таго, каб у Менск пераехаць? — пытаецца Мароз. — Я тут для таго, каб мой дзіцёнак здаровы рос, а не каб некуды пераехаць. Мы тут усе дзеля сваіх дзяцей, у каго хочаце запытайце. І я вам яшчэ раз скажу — завод працаваць не будзе. Мы ўсе тут супраціўляемся законнымі мэтадамі, не трэба нас правакаваць».

Павялічыць выяву

Мітынг працягваўся крыху больш за гадзіну, міліцыянтаў у форме вакол заўважана не было, правядзеньню мерапрыемства ніхто не перашкаджаў. Наступныя акцыі актывісты плянуюць правесьці праз тыдзень. Па іх словах, так званая «сьвінцовая варта» ля будынку завода і кармленьне галубоў на галоўнай плошчы Берасьця таксама будуць працягвацца да канчатковага закрыцьця завода кампаніі «Ай-Пауэр».

Радыё Свабода

4
меркаванне / адказаць
04.11.2019 / 12:38
Грязный Гарри, калі б твой дом быў каля таго завода, то ты б сядзеў і не рыпаўся? Уражанне, што ў цябе ёсць да яго (завода) нейкая зацікаўленасць. Рэдкі выпадак, калі людзі ўпарта змагаюцца за годнае жыццё сваё і сваіх дзяцей, і толькі табе з Алехнай і сіпатым тое не падабаецца?
1
Грязный Гарри / адказаць
04.11.2019 / 18:52
меркаванне,действительно,в Стимово и Тельмах у меня коттеджа нет,обычная панелька в Бресте,в которой при открытой форточке при определенном ветре доносится запах разлагающегося дерьма с отстойников возле Буга.Только вот,почему-то по этому поводу никто не хочет хмурить брови , надувать "оппозиционные" шеки и кормить засравших весь город голубей...
0
меркаванне / адказаць
04.11.2019 / 22:03
Грязный Гарри, дык чаму сам не хмурыш бровы і не надзьмуваеш шчокі, што табе смярдзіць? Хто павінен гэта рабіць за цябе? 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30