Даслаць навіну
Знайсці
23.10.2019 / 11:59 18

Крыніцы: Пракапеня і яго сябры купляюць футбольнае мінскае «Дынама»

Павялічыць выяву

Новымі ўладальнікамі футбольнага клуба «Дынама-Мінск», па інфармацыі Tut.by, стануць некалькі беларускіх IT-кампаній, у тым ліку кампанія вядомага бізнэсмена Віктара Пракапені. Паводле інфармацыі крыніцы ў IT-галіне, перамовы аб гэтым працягваліся каля трох месяцаў.

Ранейшы ключавы ўладальнік «Дынама» (57% акцый) Юрый Чыж, які валодаў ім каля 20 гадоў, страціў долю ў клубе ў маі 2019 года па рашэнні суда. У апошні час бюджэт клуба фармаваў горад.

«У апошні час прэзідэнт вельмі лаяльны да прапаноў айцішнікаў. Ёсць дамоўленасць, што яны будуць спансіраваць клуб, які павінен нарэшце зайграць і паказаць годны вынік», — адзначыў суразмоўца, знаёмы з ходам перамоваў.

Цікава, што ў суботу Віктара Пракапеню з сынам бачылі на матчы «Дынама» з «Віцебскам», які мінчане прайгралі з лікам 0:2. Пасля першага тайма, у якім «Дынама» прапусціла адзін мяч (па іроніі лёсу, яго забіў гулец «Віцебска» Арцём Гурэнка, сын галоўнага трэнера «Дынама-Мінск»), бізнэсмэн пакінуў трыбуну.

«Ён да матча выступаў на форуме «Бізнэс-Абуджэнне», там на «Чыжоўка-Арэне» было 7000 чалавек. А тут — пусты стадыён, дзве тысячы гледачоў. Вынік ён ніяк не пракаментаваў, канца матча не дачакаўся», — распавяла крыніца.

Віктар Пракапеня ў сераду быў недаступны для каментара.

Сярод прэтэндэнтаў на «Дынама» называлі расійскага бізнэсоўца Міхаіла Гуцэрыева і Уладзіміра Япрынцава, былога кампаньёна Чыжа па «Трайпле».

Пазней dev.by паведаміў, што Віктар Пракапеня і яго кампаніі не стануць уласнікамі «Дынама». Паводле інфармацыі сайта, перамовы аб куплі долі ў футбольным клубе завяршыліся, але ўгоды не будзе

NN.by

0
даведка / адказаць
24.10.2019 / 02:11
вусцішны троль, сделка по продаже госбанка была одобрена указом Лукашенко, но в последний момент все отменили, и сделки продаже/покупке ФК, как уже выясняется, не будет. 
0
american / адказаць
24.10.2019 / 06:24
Желаю от всей души рускому миру потерпеть неудачу во всем . 
0
Ale / адказаць
26.10.2019 / 00:05
А шкада, што не. такая інтрыга )
Пракапеня ўвогуле ня парыцца, здаецца - карыстаючыся перавагамі капіталізму.. Але тая раптоўная пасадка і вызваленьне - проста класіка жанру, як папсаваць чалавеку рэпутацыю.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30