Знайсці
21.10.2019 / 10:311РусŁacБел

Праеўрапейскі кандыдат мае шанец на перамогу на выбарах мэра Кішынёва

Андрэй Нэстасэ, фота Sputnik.md.

Першыя мясцовыя выбары адбыліся ў Малдове пасля прыходу да ўлады кааліцыі праеўрапейскіх і прарасійскіх сіл, якая адхіліла ад улады алігархічную групоўку Улада Плахатнюка. 

У Кішынёве ў другі тур выйшлі кандыдат ад прарасійскай Сацыялістычнай партыі з 40% галасоў і дзейны міністр унутраных спраў краіны Андрэй Нэстасэ ад праеўрапейскай кааліцыі ACUM з 31% галасоў. Яшчэ 15% галасоў сабралі кандыдаты ад «уніянісцкіх» нацыяналістычных партый, якія выступаюць за ўз'яднанне Малдовы з Румыніяй. Іх выбарцы не галасуюць за сацыялістаў, таму Нэстасэ мае моцныя шанцы на перамогу ў другім туры.

У той жа час на выбарах у гарадскую раду Кішынёва ні сацыялісты (38% галасоў), ні ACUM (33%) не сабралі большасці і будуць вымушаныя фарміраваць кааліцыю з уніяністамі з Ліберальнай партыі і Партыі нацыянальнага адзінства (6% і 3%) або нават з Плахатнюковай Дэмакратычнай партыяй (4%).

У другім па памеры горадзе краіны, Бельцах, з вялікім адрывам перамог бізнэсовец Рэната Усаты, якога вінавацяць у сувязях з мафіяй.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031