Расійскі міністр Сілуанаў: Рашэнне пра крэдыт Беларусі на $600 млн залежыць ад прасоўвання ў пытанні далейшай інтэграцыі
kremlin.ru
Рашэнне пра крэдыт Беларусі на $600 млн пакуль не прынята і залежыць ад прасоўвання РФ і Беларусі ў пытанні далейшай інтэграцыі. Пра гэта, як перадае ТАСС, паведаміў журналістам першы віцэ-прэм'ер, міністр фінансаў Антон Сілуанаў у кулуарах сустрэчы Міжнароднага валютнага фонду (МВФ) і Сусветнага банка ў Вашынгтоне.
«Не вырашана пакуль [пытанне з выдзяленнем крэдыту Беларусі на $600 млн]. Па Беларусі дарожную карту адпрацоўваем цяпер. У нас жа задача ў рамках зацверджанай прэм'ерам дарожнай карты па сваіх раздзелах адпрацоўваць больш дэталёвыя планы», — сказаў Сілуанаў.
Ён дадаў, што рашэнне па пытанні з крэдытам на $600 млн залежыць ад таго, як «мы будзем рухацца на трэку інтэграцыйным».
Раней Сілуанаў казаў, што Расія даст Беларусі крэдыт памерам да $600 млн, сродкі пойдуць на рэфінансаванне плацяжоў у пагашэнне асноўнага доўгу па раней дадзеных Расійскай Федэрацыяй крэдытах.
У верасні беларускі пасол, спецпрадстаўнік па пытаннях інтэграцыйнага супрацоўніцтва ў рамках Саюзнай дзяржавы Уладзімір Сямашка заявіў, што праграма інтэграцыі ў Саюзнай дзяржаве паміж Расіяй і Беларуссю можа быць падпісаная 8 снежня 2019 года.
