Ватыкан распрацаваў электронны ружанец: каб яго актываваць, трэба перахрысціцца

Ватыкан распрацаваў і выпусціў электронны ружанец «eRosary», каб прывабіць моладзь і навучыць яе маліцца, піша bbc.com.

Гаджэт цаной у 109 даляраў можна насіць як бранзалет і актываваць, зрабіўшы знак крыжа.

Ён падлучаны да адмысловага дадатку «Click to Pray eRosary». Яго мэта — дапамагчы каталіцкім карыстальнікам маліцца за мір ва ўсім свеце і разважаць над Святым пісаннем.

Ружанец фіксуе, наколькі правільна і старанна карыстальнік моліцца, а затым захоўвае гэтую інфармацыю і адсочвае прагрэс.

Дадатак, даступны на IOS і Android, утрымлівае візуальныя і гукавыя тлумачэнні.

Гаджэт распрацавала тайваньская кампанія.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0