Трамп запатрабаваў ад Эрдагана спыніць ваенныя дзеянні ў Сірыі

Прэзідэнт ЗША Дональд Трамп патэлефанаваў турэцкаму лідару Рэджэпу Таіпу Эрдагану і запатрабаваў неадкладна спыніць агонь у Сірыі, заявіў амерыканскі віцэ-прэзідэнт Майк Пенс, перадае Reuters.

Паводле яго слоў, ЗША не давалі Турцыі «зялёнае святло» на ўварванне ў Сірыю.

CША «проста не будуць і далей цярпець турэцкае ўварванне ў Сірыю», дадаў Пенс. Па словах, віцэ-прэзідэнта, ён асабіста накіруецца на Блізкі Усход па даручэнні Трампа.

Турцыя пачала ваенную аперацыю на паўночным усходзе Сірыі 9 кастрычніка, яе мэта, як сцвярджае Анкара, заключаецца ў выцясненні курдскіх «атрадаў народнай самаабароны» (YPG) і «Сірыйскіх дэмакратычных сіл» (SDF) ад мяжы, дзе плануецца стварыць зону бяспекі.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0