Пададзена заяўка на шэсце і мітынг у Курапатах на Дзяды

Дзяды ў Курапатах у мінулым годзе, фота Волі Афіцэравай

Кансерватыўна-хрысціянская Партыя — БНФ падала заяўку ў Мінгарвыканкам і Мінскі аблвыканкам на правядзенне традыцыйных мемарыяльных мерапрыемстваў на Дзяды. Сёлета акцыя плануецца 3 лістапада (нядзеля).

Прадугледжана правядзенне шэсця і мітынгу ў традыцыйным фармаце, паведамляе прэс-служба партыі.

Акцыя праводзіцца ў наступным фармаце: збор каля завода «Прамень» на станцыі метро Парк Чалюскінцаў, затым шэсце праспектам Незалежнасці, вуліцай Каліноўскага ды іншымі вуліцамі да ўрочышча, жалобны мітынг у Курапатах.

Нагадаем, што 29 кастрычніка ў Курапатах таксама плануецца «Ноч расстраляных паэтаў», у 72-я ўгодкі масавага расстрэлу прадстаўнікоў інтэлігенцыі ва ўрочышчы.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0